Gullfiskar eru á álíka mörgum heimilum
og tjaldvagnar |
|
|
|
|
|
|
|
|
|
|
|
|
|
Innflutningsleyfi |
|
|
Samkvæmt
reglugerð nr. 935/2004 um innflutning
gæludýra og hundasæðis skal innflytjandi sækja um
innflutningsleyfi til
landbúnaðarráðuneytisins á
þar til gerðu umsóknareyðublaði. Innflytjandi skuldbindur sig
og staðfestir með undirskrift sinni að hlíta í hvívetna öllum
þeim fyrirmælum sem landbúnaðarráðherra og yfirdýralæknir
setur sem skilyrði til innflutnings og einangrunar.
Einangrun
Öll gæludýr sem heimilað hefur verið að flytja til landsins
skulu vera í einangrun í 4 vikur. Sækja þarf
um pláss fyrir hunda og ketti í einangrunarstöð (annað hvort í
Hrísey eða í
Höfnum) en kanínur, nagdýr,
búrfuglar, skrautfiskar og vatnadýr verða að vera í
heimasóttkví, sem er tekin út af viðkomandi héraðsdýralækni
fyrir komu dýrsins.
Heilbrigðisvottorð
Mikilvægt er að huga snemma að þeim kröfum sem gerðar eru um
bólusetningar, blóðsýni o.fl. þar sem tiltekinn tími þarf að
líða frá því að bólusett er og þar til dýrið má koma til
landsins.
Sjá nánari upplýsingar um
hverja dýrategund með því að smella á tenglana hér til
vinstri.
|
|
|
Eru til villtir gullfiskar |
|
|
Svokallaðir
gullfiskar eru strangt til tekið aðeins ein tegund,
Carassius auratus, en sú venja hefur skapast að kalla alla
gulllitaða fiska í fiskabúrum og tjörnum þessu nafni.
Gullfiskar tilheyra ætt karpa (Cyprinidae) og
upprunalega lifa þeir villtir í vötnum og ám í Austur-Asíu.
Náttúrulegir gullfiskar eru ekki gylltir heldur er algengast
að þeir séu grænbrúnir og steingráir. Breytileiki í lit
gullfiska er þó mikill og átti það sinn þátt í að menn fóru að
rækta upp hin ólíku litarafbrigði meðal þeirra. Talið er að
Kínverjar hafi fyrstir manna farið að halda gullfiska í
tjörnum sér til yndisauka, líklega ekki seinna en á valdatíma
Sung ættarinnar (960 - 1279).
Margra alda kerfisbundin ræktun hefur nú skapað meira en 120
ólík afbrigði gullfiska sem hægt er að kaupa í
gæludýraverslunum um allan heim. Þessi mikli breytileiki
gullfiska nær ekki aðeins til litafars heldur líka til
líkamslögunar þeirra.
Víða um heim hafa gullfiskar sloppið úr garðtjörnum og pollum
og tekið upp hið gamla villta líferni. Það sem er merkilegt í
því sambandi er að þessi ræktunarafbrigði hafa smám saman
tekið upp gamla litarfarið og stækkað upp í náttúrulega stærð
sem getur verið allt að 30 cm. Gullfiskar í búrum og tjörnum
eru hins vegar venjulega aðeins 5-10 cm á lengd. Augljóst er
að hið sterka náttúruval er hér að verki.
Gullfiskar eru alætur. Þeir éta þörunga, ferskvatnsplöntur,
ýmis smádýr, svo sem krabbadýr og ýmsar skordýralirfur, til
dæmis lirfu moskítóflugunnar.
Vísindavefurinn:
Jón Már Halldórsson.
|
|
|
Hafa gullfiskar gaman
af dóti. |
|
|
Þessari spurningu er erfitt að svara því að þekking okkar á
hugsun og tilfinningalífi dýra er takmörkuð. Þó vita þau okkar
sem hafa umgengist dýr að mörg þeirra geta leikið sér og haft
af því gaman. Hver hefur til dæmis ekki séð hrafna sýna
loftfimleika í háloftunum, kisur sem eltast við garnhnykla og
hunda sem hlaupa um í eltingaleik?
Ekki er þó vitað hvenær eða hvernig dýr þróuðu með sér þennan
hæfileika að geta leikið sér og haft af því gaman. Vangaveltur
um það kalla fram fleiri og flóknari spurningar um eðli
tilfinninga hjá dýrum. Við höfum lengi vitað að önnur spendýr
sýna tilfinningar eins og reiði, hræðslu og umhyggju fyrir
afkvæmum sínum. En tilfinningalíf frumstæðra dýra er mun
einfaldara og grófara ef svo má segja. Frumdýr sýna til dæmis
flóttaviðbrögð við miklu ljósi, hita eða öðrum þáttum sem gætu
skaðað þau. Fræðimenn telja þó mjög ósennilegt ef ekki
hreinlega útilokað að svo einfaldar lífverur hafi hæfileikann
til þess að skemmta sér og leika sér. Því verður að teljast
ólíklegt að fiskar hafi öðlast slíka andlega hæfileika.
Gullfiskaeigendur
sem setja ýmislegt dót í búrið gera það kannski fyrst og
fremst til þess að gera fiskabúrið meira aðlaðandi að horfa á.
Ýmsar skrautlegar sjávarhallir og glitrandi fjársjóðir í
kistum gera það skemmtilegra fyrir okkur að fylgjast með
gullfiskunum. Enginn leið er að segja til um það hvort líðan
fiskanna breytist eitthvað við að hafa dótið í kringum sig.
Ef margar og ólíkar búrfiskategundir eru saman í fiskabúri er
algengt að fiskarnir marki sér svæði í búrinu. Mikið dót og
fjölbreytilegt umhverfi í fiskabúrinu getur auðveldað fiskum
að helga sér svæði og þeir fiskar sem verða á einhvern hátt
undir í lífsbaráttunni geta fundið sér öruggt athvarf bak við
einhvern hlutinn.
Myndina fengum við af vefsetrinu
www.upscm.fsnet.co.uk
Vísindavefurinn:
Jón Már Halldórsson líffræðingur
|
|
|
Ef á að fá sér "gullfiska" |
|
|
Skrautfiskar eru til í ótal afbrigðum, mismunandi að lit og
lögun. Sumir eru einlitir meðan aðrir eru marglitir. Þeir hafa
líka mismunandi eiginleika. Eigendur gullfiska hafa oft gaman
af að safna saman ýmis konar fiskum í stórt fiskabúr svo úr
verður fallegasta skraut. En fiskarnir þurfa ekki að vera
margir saman, sumir eiga einn gullfisk í skál sem er kúlulaga.
Ef ætlunin er að safna nokkrum fiskum í fiskabúr með dælu þarf
að láta búrið standa með vatni en án fiska í nokkurn tíma til
að vera viss um að allt sé í lagi. Að dælan virki og að réttur
hiti sé á vatninu. Þann tíma er sniðugt að nota til að skoða
fiska og ákveða hvernig fiskar eru valdir. Þegar þeir eru
valdir er ágætt að fá góð ráð um hvaða fiskar eiga saman,
sumir geta verið árásargjarnir og aðrir stækkað of mikið.
Mikilvægt er að gæta þess að jafnvægi ríki í fiskabúrinu.
Reglulega þarf að þrífa búrið vel og vandlega.
Gæludýravefur RUV
|
|
|
|
|
|
Gullfiskar eru á um 5% heimilum
á íslandi. |
|
|
Hundar næstvinsælastir á eftir köttum og eru á 8% allra heimila. Gullfiskar eru
á álika mörgum heimilum og tjaldvagnar, fellihýsi og hjólhýsi eða tæpum 5 %
heimila. Páfagaukar koma þar á eftir og svo hestar sem teljast til gæludýra í
rannsókn Hagstofunnar. Hamstrar koma á eftir hestunum í vinsældum og ekki er
minnst á önnur dýr. Kristinn Þorgrímsson, verslunarstjóri í Dýraríkinu, segir að
áhuginn fyrir óhefðbundnum gæludýr eins og froskum og salamöndrum sé að aukast
en landfroskar eru svotil nýir í sölu hér á landi.
|
|
|
|
|
|
|
|
|
|
|
|
|
|
|
|
|
|
|
|
|
|
|
|