Hér mun
birtast ýmislegt um ýmis dýr í heiminum, bæði húsdýr og villt dýr.
Húmorinn ekki
skilinn eftir,
OG Það er alsekki
meiningin hér að vera með eitthvað nákvæmt og ýtarlegt efni um
hvert dýr,
þetta er eingöngu til gamans gert.
Garðyrkjudeild
hefur eftirlit með lífríki Tjarnarinnar í samráði við
sérfræðinga frá Náttúrufræðistofnun Íslands og sér um hreinsun
umhverfis friðlandið í Vatnsmýrinni og Hljómskálagarðinum en í
og við Norðurtjörnina í samvinnu við Gatnadeildina.
Fuglar eru taldir a.m.k. einu
sinni á sumri, friðlandinu lokað fyrir umferð frá 15. apríl
til 1.ágúst ár hvert og fylgst með varpi og afkomu ungviðis.
Ekki verður annað séð en að fuglalíf hafi verið í jafnvægi
undanfarin ár.
Fuglar við
Tjörnina eru ekki fóðraðir af hálfu Garðyrkjudeildar en á
veturna, þegar jarðbönn eru þá er þeim gefið daglega í
friðlandinu í Vatnsmýri. Þeim er nú gefið við suðurenda
Tjarnarinnar á meðan gatnaframkvæmdir við Miklubraut standa
yfir.
Þessi einkunnarorð íslenskra dýraverndarsinna eru úr sálmi
eftir Matthías Jochumson.
Afstaða dýraverndarsinna um allan hinn vestræna heim og víðar,
er mannúð og miskunn og þeir telja að dýrin eigi sama
tilverurétt og mennirnir. Dýraverndarsinnar krefjast þess, að
ef nauðsynlegt er að aflífa dýr, skuli það gert með eins
sársaukalausum og skjótum hætti og hægt er. Við veiðar á dýrum
er ekki hægt að tryggja þetta og því eru dýraverndarsinnar
andvígir hverskonar dýraveiðum. Jafnframt er það stefna
dýraverndarsinna að vera á varðbergi gagnvart því að ekki sé
gengið of nærri dýrastofnum.
Fyrstu hreinræktuðu
Shetland Sheepdog hundarnir voru fluttir inn 1992.
Þetta voru tvær tíkur, IS.CH.Eastdale Just Fancy That og
Int.Ch.Is.Ch Westpark Blue Dream. 1996 var svo fluttur inn
einn hundur frá USA, Alex Frederick of Yrar og ári síðar
(1997) var Caravan Prins Charming of Yrar fluttur inn frá
Noregi.
Í júlí 1998 flutti eigandinn, Agnes Ýr, ásamt þessum fjórum
hundum til Svíþjóðar á Kennel Yrar en eftir urðu fimm sheltie
hvolpar hérlendis.
Að Leirum Kjalarnesi
er rekið hundahótel og ræktaðir Eðal- Enskur og Írskur setter.
Eigendur og ræktendur eru hjónin
Elín Gestsdóttir og Hreiðar Karlsson.
Þau hafa stundað ræktun á Eðal-Írskum setter frá árinu 1987 og
ræktun á Eðal- Enskum setter frá 1998 með mjög góðum árangri
og hafa hundar og ræktunarhópar frá þeim unnið til fjölda
verðlauna á sýningum.
Hundahótelið að Leirum er eina hundahótelið innan borgarmarka
Reykjavíkur, sem er viðurkennt af Heilbrigðisyfirvöldum.
Hjá okkur er hundurinn í öruggri gæslu
24 tíma á sólahring.
Fullkomin bruna og þjófavörn er í húsinu.
Hundahótelið er opið 365 daga á ári, og er móttakan opin
frá 9:00 til 19:00. Ef þið viljið vera ahyggjulaus í
fríinu þá er Hundahótelið Leirum ykkar staður.
Aðalfundur Smalahundafélags Íslands haldinn í kaffistofu
fjárhúsanna á Hesti 18. október 1998 kl 16.30. Mættir voru 16
félagsmenn.
Formaður Gunnar Einarsson setti fundinn og bað
Dagbjart Dagbjartsson að gegna starfi fundarritara. Ræddi hann
síðan nokkuð um fjárhundakeppnir og skráningu hunda.
Fram kom að Dagbjartur Dagbjartsson vildi gjarnan losna við að
gefa út fréttabréfið og tók Harpa Reynisdóttir starfið að sér.
Gjaldkeri Lisbeth Sæmundsson gat ekki mætt en
sendi reikninga til skoðunar og gerði Harpa grein fyrir þeim í
fjarveru hennar.
Nokkrar umræður urðu um erfðagalla í hundum, bæði mjaðmalos og
augnsjúkdóma. Harpa bar fram spurningar frá Lisbeth um hvernig
ætti að standa að greiðslu fyrir skráningar og var talað um að
æskilegast væri að skrá got. Talað um 500 kr til að byrja með.
Gert verði ráð fyrir því í ættarskírteinum að hægt sé að skrá
hvort hundurinn sé augnskoðaður.
Eddu þórarinsdóttur dýralækni falið að leita
eftir samstarfi við hundaræktarfélagið.
Nokkrar umræður urðu um smölun sem verktakavinnu og kom fram
að þeir sem höfðu lagt það fyrir sig töldu það ekki arðvænlega
atvinnugrein.
Þar sem allir stjórnarmenn voru í raun dottnir út
og verulega hafði fækkað á fundinum var ákveðið að sama stjórn
skyldi sitja til næsta fundar en koma sér saman um hver ætti
að ganga úr stjórn fyrir næsta fund.
Björgunarhundasveit Íslands var
stofnuð þann 8. Desember árið 1980 að tilhlutan landssambands
hjálparsveita skáta (nú Landsbjörg). Aðal tilgangur
sveitarinnar hefur frá upphafi verið að þjálfa hunda til
leitarstarfa. Árið 1984 var haldið fyrsta skipulagða
námskeiðið í leit í snjóflóðum, með leiðbeinendum frá Norske
Reddningshunder (sem stofnað var árið 1956) skammstafað NRH,
þar voru útskrifaðir hundar til leitar í snjóflóðum. Sömu
hundar höfðu farið til Patreksfjarðar 1983 þegar snjóflóð féll
á bæinn. Frá árinu 1984 hafa verið haldin námskeið í
snjóflóðaleit á hverju ári með norskum leiðbeinendum. Fyrsta
námskeiðið var þrjár helgar í röð en síðan 1985 hafa þessi
námskeið staðið yfir í sjö daga samfellt. Árið 1992 urðu
þáttaskil í starfi Björgunarhundasveitarinnar þegar hún hóf
markvissa þjálfun hunda til leitar á auðri jörð.
Leitarhundar Slysavarnafélagsins
Landsbjargar er samstarfs og fagvettvangur fyrir
björgunarsveitarmenn sem sérhæfa sig á sviði þjálfunar hunda
til leitar- og björgunarstarfa. Merki þeirra er LEITARHUNDAR
Slysavarnafélagsins Landsbjargar með bláum stöfum á hvítum
grunni, með hundshaus í miðju Íslenska fánans.
Þann 26. febrúar 2000
sameinuðust Björgunarsveit Fiskakletts og Hjálparsveit skáta í
Hafnarfirði undir merki Björgunarsveitar Hafnarfjarðar. Við
sameininguna varð til ein stærsta og öflugasta björgunarsveit
landsins, búin fjölda tækja, mannskap og 50 ára sögu af
björgunarstarfi að baki. Kallmerki sveitarinnar er SPORI.
Sveitin starfar á flestum vettvangum björgunarstarfs og býr
sig þannig undir það að geta brugðist við hvers konar vá,
hvort sem er á landi eða sjó. Starfsemina má deila niður í
þrjá megin flokka: land-, sjó- og tækjaflokk. Hver starfar á
sínu sviði og heldur utan um eigin dagskrá.
Félagar sveitarinnar leggja mikið á sig til þess að hald sér,
jafnt sem tækjum og búnaði í sem allra besta ástandi svo hægt
sé að bregðast skjótt við þegar þörf skapast. Námskeið eru
haldin reglulega svo og vinnukvöld og æfingar. Auk þess sækja
félagar námskeið hjá Björgunarskóla Slysavarnarfélagsins
Landsbjargar.
Auk hefðbundins starfs björgunarsveita heldur Björgunarsveit
Hafnarfirði hlífskyldi um Unglingadeildina Björgúlf og
viðheldur þar af leiðandi 20 ára gamalli hefð sem er jafnframt
mikilvægur hlekkur í sögu Hafnarfjarðar sem og sögu alls
björgunarstarfs á Íslandi þar sem að Björgúlfur er ein elsta
unglingadeild landsins.
Fjölskyldan að Sperðli í
Vestur-Landeyjum stendur að Bjarkeyjar-ræktuninni.
Fjölskyldan samanstendur af okkur hjónunum Ingu Björk
Gunnarsdóttur og Þresti Ólafssyni og börnunum okkar þremur,
Ólöfu Karitas, 19 ára, Rakel Ósk, 15 ára, atorkuboltanum Aroni
Erni 7 ára og dekurrófunni Mikael Andra 2 1/2 árs. Öll
fjölskyldan hefur áhuga á hundum og við hjálpumst að við að
sinna þeim. Ólöfu Karitas hefur gengið mjög vel í keppni
ungra sýnenda, hefur tvisvar orðið í 1.sæti , 1 sinni í 2.sæti
og 2 sinnum í 4.sæti. Rakel Ósk hefur einu sinni orðið í
1.sæti, þrisvar í 2.sæti, fjórum sinnum í 3.sæti og einu sinni
í 4.sæti.
Draumur okkar um að eignast
hunda af þeim tveimur hundategundum sem okkur hafði lengi
langað í rættist árið 1993 með ensku cocker spaniel tíkinni
ISCH Cosalta Happy Dream og árið 1995 með boxer hundinum INT
UCH ISCH Snarestone Ambassador. Ræktunin hófst árið 1995
í cocker en árið 1997 í boxer.
Ári eftir að við fluttum að
Sperðli ákváðum við að breyta einu útihúsinu í hundahús.
Tóku þær framkvæmdir um 2 ár og var ekkert til sparað. Í
húsinu eru 8 mjög rúmgóð búr, 6m2-9m2, matar- og
snyrtiherbergi, ásamt 9 mistórum útigirðingum, allt frá 15 m2
upp í 300 m2. Stutt er út á tún þar sem gaman er að fara
með hundana í göngutúra og leyfa þeim að hlaupa lausum.
Í dag eigum við 8 hunda, 4 cocker spaniel og 4 boxera. Er það
sá fjöldi sem við ráðum auðveldlega við að sinna vel, en gefur
okkur jafnframt þann möguleika að vera með breidd í
ræktuninni.
Við höfum í engu hnikað frá
upphaflegu markmiði okkar að rækta gæði en ekki magn og að
fara eftir reglum HRFÍ. Við reynum eftir fremsta megni
að láta fara saman gott skap, heilbrigði og góða
líkamsbyggingu. Við erum með got í hvorri tegund á 12-16
mánaða fresti og ræktum ekki nema að hafa nokkra góða
væntanlega hvolpakaupendur á biðlista. Við vöndum vel
valið á hvolpakaupendum og höfum sem betur fer verið í
langflestum tilvikum mjög heppin með þá. Auðvitað hafa
komið upp breyttar aðstæður hjá fólki en þá koma hundarnir
bara aftur í sveitina þar til nýtt heimili finnst.
Ræktun Íslenska
fjárhundsins undir nafni Ísrima hófst árið 1999 þegar
Lækjamóts-Birta var pöruð með Snælukku-Bjarti. Þau eignuðust
saman sjö Ísrima-hvolpa.
Reiðskólinn Dynur er að hefja sitt fjórða starfsár og mun í
vetur starfa í Þorlákshöfn. Líkt og undanfarna vetur verður
starfsemin með fjölbreyttu sniði, þ.e.a.s. almenn reiðkennsla
fyrir börn á aldrinum 6-16 ára, ýmist óvana eða lengra komna.
Eins og áður skiptast námskeiðin í brons, silfur, gull og
bikarstig. Við munum halda áfram að þróa samstarf okkar
við Svæðismiðlun Suðurlands og Sólheima í Grímsnesi í sambandi
við reiðkennslu fatlaðra og hafa nú þegar 28 nemendur frá
þessum stöðum hafið nám hjá okkur. Sama fyrirkomulag
verður haft á aðgengi nemenda að skólanum, þ.e. þeir eru
sóttir og keyrðir heim að kennslu lokinni. Starfssvæði
okkar eru Hveragerði, Þorlákshöfn, Stokkseyri, Eyrarbakki,
Selfoss og nærsveitir.
My name is Kristin Halla Sveinbjarnardottir and is the owner
of Royal Ice Kennel.
I have been interested in dogs since early childhood.
When me and my sister where ca 7-10 years, we always walked
dogs in the neigbourhood. Then we meet the Irish Setter
female Heba, she was our best friend and we had her all the
time. Sometimes we had her for weekends, and
camping in the sommers, and she came with us to the stable.
These years her owner was working much, so we got a great
opportunity to spend our time with Heba. Unfortunately
Heba was hit by a car and died in our arms, she was only 5
years. It was a great loss to us but our interest for
dogs didn´t stop we still nagged to have another dog.
One year later the dream came true , we got our OWN dog.
It was the Springer Spaniel female Veronika called
Vera. Vera became 14th years old and was put away in
sept 05. She is truly missed in the family.
I met Papillons first at the home of Veras breeder. He
had imported three papillons from England. Daisy
was one of them. She stayed at our house for almost two
years. After she went again to her owner, I was decided
to get my own papillon. Daisy was so great I couldn’t
think to be without a Papillon. What I liked so
much about the papillons is how hardworking they are, and how
beautiful toy breed they are, who really think. I often
took Daisy with me riding in the spring time, she run after
the horse and really enjoyed it, sometimes me and my boyfriend
went for a mountain walks and of course Daisy came along, she
wasn´t even tired after these walks.
Since PRA had come up in some dogs here in Iceland on that
time I decided to import. I had also sudden ideas how
beautiful papillon should look like and I wanted to follow
that and take good time to find good dogs with pra clear
pedigrees and my ideal look.
Finally the spring 2000 after a long wait and much searching
Riko came to us from the quarantine. He is great
character, wery much thinking, I like how he is built and I
think his size is good. Not to big like some papillons
are. Riko is now an International ans Icelandic champion
and has many BOB and BIG finals and once BIS all breeds.
The year 2001 Ísabella came to us, she has everything that
papillon should have, typical happy papillon temperament and
well built, she became Icelandic champion in only four
entries. All her offsprings has her lovely happy
temprament.
Að
Hagalíns ræktun stendur öll fjölskyldan að Háeyrarvöllum 52 á
einn eða annan hátt. Í fjölskyldunni eru ég ( Unnur ),
Elli maðurinn minn og synir okkar tveir fæddir ´94 og´98.
Mest öll umhirða hundanna er á minni ábyrgð enda eru hundarnir
aðallega mitt áhugamál. Að sjálfsögðu koma svo hinir
fjölskyldu meðlimirnir að umhirðu hundanna þar eð þeir
eru jú gæludýr okkar allra.
Árið ´94 eignuðumst við hana
Tátu sem er Írsk
Setter - Golden Retriver blanda. Árið ´00 bættist
svo Dimmalimm í hópinn en hana keyptum við af Bjarkeyjar
ræktun. Eftir það varð ekki aftur snúið, ég heillaðist
algerlega af Boxernum og varð fljótlega ljóst að það yrði
alltaf Boxer á mínu heimili. Ég byrjaði að sýna
Dimmulimm um leið og hún hafði aldur til og varð strax bitin
af sýningar bakteríunni. Smá saman fór hugurinn að
beinast að ræktun og velferð tegundarinnar og upp úr því tókum
við þá ákvörðun að flytja inn nýtt blóð og hefja okkar
eigin ræktun. Í dag er staðan sú að til okkar eru komin
tík og hundur frá Bretlandi. Á heimilinu eru því fjórir
hundar.
Allir okkar hundar búa inni á heimilinu og óneitanlega er
alltaf líf og fjör, en þannig viljum við hafa það og getum
ekki hugsað okkur að hafa það öðruvísi, enda eru hundarnir
órjúfanlegur hluti af fjölskyldunni. Að okkar mati hafa
bæði börn og hundar óskaplega gott af sambúðinni enda er þeim
öllum hollt að læra að umgangast hvert annað af tillitsemi.
Okkar markmið er að rækta fallega og heilbrigða hunda með góða
skapgerð sem henta vel sem heimilis hundar og geta náð góðum
árangri á sýningum og í vinnu. Öll okkar ræktunardýr eru
sýnd,
mjaðma mynduð og fara í
gegnum
skapgerðar mat HRFÍ.
Velkomin(n) á vefsíðuna Canis.
Nafnið Canis er latneska heitið yfir "hundur". Tilgangur Canis
er að vera leiðandi upplýsinga og afþreyingavefur fyrir
hundaeigendur, ræktendur og áhugafólk um hunda. Á Canis er að
finna fréttir sem tengjast sýningum, námskeiðum og öðru sem
tengist hundum. Öflugur smáauglýsingavefur og spjallkerfi er
einnig á Canis.
Canis er óháður
miðill sem mun ekki taka afstöðu um deilumál hverskonar, en
mun óhræddur færa fréttir af því sem gerist í heimi
hundaræktenda og tengdum málum. Canis tekur á móti greinum og
fréttum á netfangið frettir@canis.is
Canis er opinn
vettvangur fyrir alla og er öll þjónusta hjá okkur frí þ.e.
smaáuglýsingar og skráningar vefsíða, tilkynningar og annað.
Það eru um 35 ár frá því að
ferðaþjónustubændur stigu fyrstu skref í átt að þeirri
skipulögðu starfsemi sem Ferðaþjónusta bænda er í dag.
Það var þó ekki fyrr en árið 1980 sem búgreinafélagið Félag
ferðaþjónustubænda (FFB) var stofnað og er markmið þess að
vinna að hagsmunum bænda sem selja hvers konar ferðaþjónustu í
sveitum. Frá 1990 hefur FFB rekið eigin ferðaskrifstofu undir
nafninu Ferðaþjónusta bænda hf (FB) og vinnur hún að
markaðssetningu og sölu á þjónustu undir merkjum Ferðaþjónustu
bænda.
Félag
ferðaþjónusta bænda stefnir að því að vera í fararbroddi í
umhverfisvænni ferðaþjónustu á landsbyggðinni. Þessi
stefna og framkvæmd hennar í daglegum rekstri fyrirtækjanna
verður eitt mikilvægasta gæðatákn framtíðar í ferðamálum.
Þetta er liður í því að auka gæði innan Ferðaþjónustu bænda og
vekja athygli á þeim mannauð sem blómstrar samhliða fagurri
náttúru um allt land.
Á haustdögum 2003
var stofnuð utanlandsdeild Ferðaþjónustu bænda hf þar sem
markmiðið er að bjóða upp á öðruvísi ferðir s.s. bændaferðir,
gönguferðir, hjólreiðaferðir og ferðir til fjarlægra landa.
Hér mun ferðamönnum gefast kostur á að kynnast náttúru og
menningu annarra landa á umhverfisvænum nótum.
Hundaræktarfélag Íslands var
stofnað í september 1969
Hundaræktarfélag Íslands er félag allra hundeigenda á
Íslandi
Hundaræktarfélag Íslands hefur það að markmiði sínu að
stuðla að réttri meðferð, aðbúnaði og uppeldi hunda.
Einnig að stuðla að góðum samskiptum milli hundeigenda,
yfirvalda og almennings
Hundaræktarfélag Íslands er málsvari hundeigenda gagnvart
hinu opinbera, s.s. heilbrigðiseftirliti,
umhverfisráðuneyti, landbúnaðarráðuneyti o.s.frv.
Hundaræktarfélag Íslands hefur í áraraðir barist fyrir
leyfðu hundahaldi og lækkun hundaleyfisgjalda. M.a.
barðist félagið fyrir þeim afslætti sem nú er gefinn (50%)
hafi viðkomandi sótt viðurkennt námskeið með hundinn sinn.
Hundaræktarfélag Íslands hefur barist fyrir sérstökum
útivistarsvæðum fyrir hunda og hundafólk. Nýjasta svæðið í
Reykjavík er í Öskjuhlíðinni.
Hundaræktarfélagið býður upp á fræðslu fyrir verðandi
hundeigendur. Einnig býður félagið upp á ýmiskonar
fræðslufundi og námskeið fyrir félagsmenn sína.
Hundaræktarfélagið rekur hundaskóla. Þar er boðið upp á
ýmiskonar námskeið, t.d. hvolpanámskeið, hlýðninámskeið,
vinnunámskeið, veiðinámskeið, hundafiminámskeið,
sporleitarnámskeið o.fl.
Hundaræktarfélag Íslands heldur árlega ræktunarsýningar,
vinnu-og veiðipróf, sporleitarpróf og skapgerðarpróf.
Hundaræktarfélag Íslands rekur skrifstofu sem er opin
daglega. Skrifstofan er þjónustuaðili fyrir félagsmenn og
hundeigendur á Íslandi.
Hundaræktarfélag Íslands gefur út eina „hundatímaritið ”á
Íslandi, tímaritið heitir Sámur og kemur út 3-4 sinnum á
ári.
Hundaræktarfélag Íslands er eina aðildarfélagið á Íslandi
í NKU, samtökum norrænna hundaræktarfélaga og FCI,
alþjóðlegum samtökum hundaræktarfélaga.
--------------------------------------------------------------------------------
Tilgangur - Markmið
Beita sér fyrir hreinræktun og kynbótum hundakynja sem
viðurkennd eru af Alþjóðasambandi hundaræktarfélaga
(Fédération Cynologieque Internationale, F.C.I).
Varðveita, hreinrækta og kynbæta íslenska fjárhundinn.
Stuðla að réttri meðferð, aðbúnaði og uppeldi hunda.
Stuðla að góðum samskiptum milli hundeigenda, yfirvalda og
almennings.
Til þess að ná fram markmiðum sínum skal HRFÍ:
Ættbókarfæra hreinræktaða
hunda í ættbók Hundaræktarfélags Íslands samkvæmt þeim
reglum sem stjórn félagsins setur og og þeim kröfum sem
FCI gerir til aðildarfélaga sinna um ættbókarskráningar
hunda.
Stofna ræktunardeildir sem
standa vörð um ræktun og ræktunarmarkmið viðkomandi
hundakynja, sbr. VII. kafla laga þessara.
Halda ræktunarsýningar,
vinnu- og veiðipróf. Bera ábyrgð á menntun leiðbeinenda,
sýningarritara og dómara félagsins.
Gefa út félagsblað, efna
til námskeiða fyrir hundeigendur og fræða almennt um
rétta meðferð, aðbúnað og uppeldi hunda.
Fylgjast með nýjungum og
rannsóknum á sviði erfðafræði, atferli og heilbrigði
hunda og fylgjast með tíðni meðfæddra og/eða arfgengra
sjúkdóma í hundum á Íslandi.
Eiga samstarf við
sambærileg erlend félög og alþjóðleg samtök.
Fylgjast með því að
yfirvöld virði rétt hunda og hundeigenda og knýja á um
úrbætur í þeim efnum þar sem við á.
Hundaklúbbur Suðurlands var
stofnaður til þess að sameina hundaeigendur á Suðurlandi,
hittast með hundana og leyfa þeim að leika sér saman, fara í
hundagöngur og gera ýmislegt skemmtilegt saman með hundunum.
Búið er að plana grillveislu í sumar og e.t.v. útileigu og
fleira sniðugt sem okkur dettur í hug.
Félagsgjald:
Ekker enn sem komið er
Hafa samband:
Ef þið viljið hafa samband við okkur símleiðis er hægt að ná í
Rebekku sem er í stjórn Hundaklúbbs Suðurlands í s.
693 - 4979.
Fyrir alla!
Hundaklúbbur
Suðurlands er fyrir alla hunda hvort sem þeir eru
hreinræktaðir eða blandaðir svo lengi sem þeim semji við aðra
hunda. Hundarnir í klúbbnum eru stórir og smáir og eigendurnir
bæði ungir og gamlir og allt þar á milli. Það má taka börnin
með ef þau kunna að umgangast hunda og eiga góða dag með
fjölskyldunni. Fólk utan Suðurlands er líka velkomið svo lengi
sem það taki virkan þátt í klúbbstarfinu með mætingu í
hundagöngur og á aðra viðburði.
Hver stofnaði
þennan klúbb?
Árið 1991 fluttum
við á Selfoss ásamt fjölskyldu minni. Við kynntumst fljótlega
nágrannakonunni sem reyndist vera algjör hundamanneskja. Hún
átti Border Collie blending sem hét Molly. Við smituðumst
fljótlega af hundaæðinu hennar, allavega við systurnar, enda
höfðum við alltaf haft áhuga á hundum. Ekki leið á löngu áður
en við fengum okkur hvolp. Við fórum á Eyrarbakka og fengum
hvolp sem var blandaður Labrador, Golden Retrever, Rough
Collie (Lassie) og einhverju fleira. Við skírðum hana Týru.
Það var þá sem við fengum þá hugmynd að stofna Blendingafélag
fyrst við máttum ekki vera í hundaræktunarfélaginu. Síðar
flutti konan til Svíðþjóðar þar sem hún býr núna ásamt 3
hundum (Yorkshire Terrier, Poodle og blandaðri tík). Það varð
því miður ekkert úr blendingsklúbbnum en síðan þá hefur þessi
draumur alltaf blundað í okkur, svo núna árið 2002 hefur
draumurinn ræst þótt hann sé aðeins öðruvísi. Þessi klúbbur er
fyrir alla hunda, bæði hreinræktaða og blendinga. Svo við
vonum innilega að sem flestir taki þátt og mæti í göngurnar,
það er pottþétt góð skemmtun bæði fyrir þig og hundinn þinn og
styrkir tengslin ykkar á milli. Svo er alltaf gott að leyfa
hundunum ykkar að umgangast aðra hunda bæði til þess að
umhverfisvenja þá og gefa þeim útrás fyrir sína hreyfingu á
sama tíma.
Vonumst til að sjái
ykkur sem flest
Kveðja Rebekka Lea
Te Maiharoa og Tania Sif Te Maiharoa
Tilgangur Fiskifélagsins er að vera
sameiginlegur starfsvettvangursamtaka í sjávarútvegi með það að markmiði að auka veg og
virðingu íslensks sjávarútvegs, efla hag greinarinnar, stuðla
að framförum í íslenskum sjávarútvegi og veita stjórnvöldum og
öðrum, sem eftir því leita, umbeðna þjónustu.
Markmiði sínu hyggst félagið ná með því
að takast á hendur verkefni sem varða sjávarútveginn í heild
og víðtæk samstaða næst um að félagið sinni.
Aðild að Fiskifélagi Íslands eiga helstu hagsmunasamtök í
íslenskum sjávarútvegi og skipa þau jafnframt fulltrúa sína í
stjórn félagsins. Félagið er því vettvangur sem vinnur að
sameiginlegum hagsmunum alls sjávarútvegsins.
Ásamt því að vera samráðsvettvangur sjávarútvegsins sér
félagið um gagnavinnslu fyrir Verðlagsstofu skiptaverð og
Sjávarútvegsráðuneytið, þá er öllum frjálst að fá upplýsingar
um íslenskan sjávarútveg hjá félaginu.
Flestar fuglategundir sem heimsækja garða á Selfossi eru
sólgnir í kjötsag og mör enda hvorttveggja ákaflega orkurík
fæða. Þrestir og starar éta auk þess brauð og epli. Ýmsar
erlendar fuglategundir sem stundum halda sig í görðum
vetrarlangt svo sem glóbrystingar og hettusöngvarar sækja
einnig í þessa fæðu.
Skógarþrestir,
svartþrestir og
gráþrestir eru algengir
vetrarfuglar í görðum á Selfossi. Um 20-100 skógarþrestir
halda sig á Selfossi að vetrarlagi. Þeir eru því daglegir
gestir í görðum þar sem gefið er reglulega. Svartþrestir og
gráþrestir halda sig á Selfossi flesta vetur stundum 5-10
fuglar af hvorri tegund. Einstaka sinnum dvelja 1-4
söngþrestir vetrarlangt. Mistilþröstur hefur einnig sést.
Allar þessar þrastategundir hafa svipaðar matarvenjur og éta
bæði af jörðinni og af matarpöllum. Skógarþrestirnir verða oft
mjög gæfir. Hinir þrestirnir eru yfirleitt styggir og
svartþrestir og söngþrestir felugjarnir. Gráþrestir velja
gjarnan epli ef það er í boði.
Upplýsingar þessar eru af heimasíðunni Fuglalíf á Selfossi,
höfundur Örn Óskarsson.
Nokkrar tegundir vetrarfugla í görðum eru sérhæfðar fræætur.
Snjótittlingar, auðnutittlingar, bókfinkur og fjallafinkur eru
algengustu gestirnir í þeim hópi. Húsdúfur sækja stundum í
maískorn í görðum.
Snjótittlingar
éta einkum fræ af jörðinni. Þeir éta líka af fóðurpöllum en
aðeins einstaka fugl lærir að éta úr hangandi fóðurdalli.
Mulið maískorn og finkukorn er í uppáhaldi hjá þeim. Þar sem
mikið er um ketti er best að gefa á fóðurpalla eða á húsþök
Auðnutittlingar
éta fyrst og fremst finkukorn (ekki maískorn). Mjög auðvelt er
að venja auðnutittlinga á að éta finkukorn úr hangandi
fóðurdöllum, kornstönglum og af fóðurpöllum í trjám. Þeir éta
líka finkukorn af jörðinni. Með því að hengja fóðurdalla í tré
rétt utan við glugga er hægt að fylgjast vel með atferli
þeirra og hafa mikla ánægju af.
Bókfinka og
fjallafinka
eru erlendir flækingsfuglar í görðum. Þeir sjást flesta vetur.
Þessar tegundir éta fyrst og fremst af jörðinni en fara
stundum á fóðurpalla í trjám. Þeir vilja helst grófara korn en
auðnutittlingar en fara lítið sem ekkert í maískorn.
Upplýsingar þessar eru af heimasíðunni Fuglalíf á Selfossi,
höfundur Örn Óskarsson.
Gæludýragrafreitir
Alviðra er umhverfis-
fræðslusetur Landverndar í Ölfusi í Árnessýslu. Alviðra
stendur undir Ingólfsfjalli rétt við Sogsbrú, í 60 km fjarlægð
frá Reykjavík. Þar er tekið er á móti grunnskólanemum í
umhverfisfræðslu vor og haust, frá 18. mars til 7. júní og frá
22. sept. til 31. okt. Á sumrin er fjölbreytt dagskrá fyrir
almenning á laugardögum
Í Alviðru er
gæludýragrafreitur. Panta má greftrun fyrir dýr hjá
Hjördísi í síma 482 1109 eða 898 1738.
www.landvernd.is
Flekkudalur í Kjósarsýslu.
Gæludýragrafreitur Sími 5667052
Dýraverndunarfélag Reykjavíkur
hefur einnig í hyggju að opna slíkan stað og hefur s.l. þrjú
ár verið í óformlegum viðræðum við skipulagsyfirvöld um stað
fyrir gæludýragrafreit í Reykjavík. Og nú hefur komið fram
hugmynd um að gera ráð fyrir dýragrafreit á uppfyllingunni í
Gufunesi í tengslum við skipulag þess svæðis en þar er gert
ráð fyrir fjölbreyttu útivistarsvæði. Svæðið er stórt og
ætti að rúma dýragrafreit. Skipulagið er enn í vinnslu
en reiknað er með að því verði lokið á þessu ári.
Það hefur valdið vissum erfiðleikum að ekki er vitað hve mikil
þörf er fyrir gæludýragrafreit. Talsverður kostnaður fylgir
því að reka hann, t.d. þarf að girða allt svæðið og einhver
verður að sjá um grafreitinn, skipuleggja legstæðin osfrv.. Og
þá vaknar sú spurning hvort og hversu mikið fólk er tilbúið að
borga fyrir þessa þjónustu.
Til að fá einhverjar upplýsingar um þörfina biðjum við þá, sem
áhuga hafa að senda okkur upplýsingar á:
Hundar og kettir
Um borð eru búr fyrir hunda og ketti, þau eru staðsett á dekki
og eigendur geta ávallt nálgast dýrin, hreyft þau og fóðrað.
Panta þarf sérstaklega flutning fyrirfram og kostar kr.7000 að
flytja hund eða kött með Norrænu. Við bendum fólki á að kynna
sér reglur um flutninga á dýrum milli landa hjá næsta
dýralækni.
Innflutningur á dýrum til Íslands með Norrænu er bannaður
Um innflutning dýra gilda lög nr. 54/1990 og sbr. 2.gr þessara
laga er óheimilt að flytja inn "hvers konar dýr, tamin eða
villt, svo og erfðaefni þeirra", ennfremur segir síðar í sömu
grein laganna : "Dýrum sem flutt eru inn án heimildar skal
tafarlaust lógað og skrokkum eytt svo eigi stafi hætta af".
Sérstök reglugerð hefur síðan verið sett um innflutning
gæludýra, nr.
935/2004, þar sem skýrt er tekið fram að einungis er heimilt
að flytja lifandi gæludýr til Íslands með flugi og
Keflavíkurflugvöllur er eina löggilta innflutningshöfnin hér á
landi.
Enn ein reglugerðin er síðan til um einangrunarstöðvar og
búnað þeirra, nr.432/2003
Höfuðlúsin er sníkjudýr sem lifir í hársverði manna. Hún
heldur sér fastri með klóm sem grípa um hárlegginn. Lúsin er
grágul að lit og er smávaxin, aðeins 2-4 mm löng. Ef greitt er
gegnum hárið með mjög fíngerðri greiðu (lúsakambi) yfir spegli
ættu lýsnar að sjást. Þá má líka oft sjá lítil (minni en 1
mm), gulhvít korn föst við hárin. Þetta eru egg lúsarinnar sem
kallast nit. Venjulega smitast fólk af lús þegar höfuð þess
snertir lúsugt höfuð. Þess vegna er nauðsynlegt að vera á
verði ef einhver sem þú umgengst er lúsugur, einkum ef náin
snerting hefur verið milli ykkar um langa hríð. Þú þarft á
hinn bóginn ekki að hafa miklar áhyggjur af því að fá lús með
höfuðfati eða hárbursta sem lúsugur maður hefur notað. Lúsin
er nefnilega algerlega háð því að fá blóð og hlýju úr
hársverðinum. Hún yfirgefur ekki sinn trygga dvalarstað nema
hún verði fyrir einhverjum áföllum. Náin snerting sem leiðir
til smitunar er helst innan fjölskyldunnar, við önnur
skyldmenni og kunningja. Höfuðlúsin þrífst eingöngu á mönnum,
enda líka kölluð mannalús, og fólk smitast því aldrei af
dýrum. Ekki er vitað til þess að lúsin beri nokkurn sjúkdóm
milli manna.
SPURNINGAR OG SVÖR
Hvenær á ég að leita til læknis? Leitaðu ráða hjá
heilsugæsluhjúkrunarfræðingi eða lækni ef barn yngra en
tveggja ára fær lús. Leitaðu ráða hjá starfsfólki
heilsugæslustöðvarinnar eða lækninum ef þú hefur ekki losnað
við lúsina með þeim ráðum sem fylgja lúsameðalinu.
Get ég fengið lyf án lyfseðils? Þú getur keypt lyf gegn
lús án lyfseðils. Dæmi um lúsameðul eru
Nix,
Prioderm
og
Tenutex.
Hagaðu meðferðinni nákvæmlega í samræmi við leiðbeiningarnar á
umbúðunum. Helstu aukaverkanir sem geta fylgt lyfjunum eru
roði og kláði. Þótt nitin (eggin) drepist við lyfjameðferðina
má sjá þau lengi á eftir límd við hárin þótt reynt sé að kemba
þau burt eða fjarlægja þau með öðrum ráðum. Láttu starfsfólk
dagvistar barnsins eða kennarann vita ef barnið þitt fær lús
og kannaðu hvort lús hefur verið að ganga þar. Það er
óvenjulegt að aðeins eitt barn úr hópi fái lús. Barnið má fara
á dagvistina eða í skólann strax að lokinni fyrstu
lyfjameðferð. Ef einhver í fjölskyldunni eða barnahópi er með
lús er nauðsynlegt að skoða hár hinna nákvæmlega í tíu daga á
eftir. Allir sem greinast með lús verða að fara samtímis í
lyfjameðferð til þess að koma í veg fyrir endursmit.
Hvað get ég gert í forvarnarskyni? Hætta á smiti er
mest við beina snertingu við hár. Þess vegna smitast ung börn
helst. Skoðaðu hár barnsins þíns reglulega ef það er í dagvist
eða í skóla og þú veist að lús hefur verið að ganga. Notaðu
lúsakamb.
Uppl. Lyfja.is
Til að fara inn á
sérsíður dýranna velur þú mynd í
vinstri hliðarkantinum.
