Að verða vitur og góður er sönn velgengni

Höf. ókunnur.

Innsendandi Birgir S.

Það besta sem þú eyðir í barnið þitt er tími!
Arnold Glasow

Ef þú átt í vandræðum með barnið þitt, er einungis rökrétt að álykta svo að barnið eigi líka í vandræðum með þig!
Donald J. Holmes

Þú getur ekki kennt barni þínu að hugsa um sjálft sig nema þú leyfir því að reyna að bjarga sér. Barnið mun gera mistök, en af mistökunum lærir það.
Henry Ward Beecher

Vinnan bíður á meðan þú sýnir barni þínu Regnbogann, en Regnboginn mun ekki bíða á meðan þú vinnur.
Höfundur óþekktur

Strákur er eina efnið sem hægt er að gera mann úr.
Höfundur óþekktur

Börn eru ferðalangar sem eru nýkomin á nýjan furðulegan og framandi stað sem þau vita ekkert um.
John Lock

Framtíð okkar gengur á fótum barnanna.
Phillip Brooks

Börn eiga hvorki fortíð né framtíð; þau lifa í núinu, sem mjög fá okkar gera.
Jean de la Bruyere

Þar sem nú stendur kona, stóð stelpa áður
Jeffrey Holland

Börn veita því frekar athygli sem þú gerir en þess sem þú segir.
Mama Ziglar

Sú ákvörðun að eignast barn er sú ákvörðun, að eilífu gangi hjarta þitt utan líkama þíns.
Höfundur óþekktur

Ræktaðu barnið í sjálfum þér, það færir þér hamingju fram yfir gull.
Ludwig Van Beethoven

Children, you don't just love them, you fall in love with them.
Frasier

Í dag þurfa börnin okkar að læra margt af því sem fólki til forna var bannað að vita.
-Ashleigh Brilliant

Við eyðum fyrstu 12 mánuðunum af ævi barnsins okkar í að kenna þeim að tala og ganga og næstu 12 mánuðum þar á eftir í að segja þeim að þegja og setjast niður.
Phyllis Diller

Beiting valds er svo slæm lausn við öllum vandamálum að það er aðeins notað af ungum börnum og stórum þjóðum.
David Friedman

Það besta sem foreldri getur gefið barni sínu eru nokkrar mínútur af tíma sínum á hverjum degi.
M. Grundler

Andlit barns getur sagt okkur allt, sérstaklega munnsvæðið.
Jack Handey

Börn eru óútreiknanleg. Þú veist aldrei hvenær þau munu standa þig að verki í að vera ósamkvæm(ur) sjálfum þér.
Franklin P. Jones

Þú getur lært margt af börnunum. Til dæmis hversu mikla þolinmæði þú hefur.
Franklin P. Jones

Barn er manneskja sem getur ekki skilið af hverju einhver myndi gefa frá sér lítinn kettling.
Doug Larson

Börn þarfnast frekar fyrirmynda en gagnrýnenda.
Joubert

Ungabarnið er gott dæmi um minnihlutastjórn.
Málsháttur úr páskaeggi

Börn eru og verða alltaf börn, við þurfum að leyfa þeim að vera börn eins lengi og hægt er!

Við megum ekki ætlast til að þau vaxi hratt og verði skynsöm, iðin og framúrskarandi fyrr en þau hafa notið æskunnar.
Höf. óþekktur

Börnin okkar eru gulls ígildi, elskið þau og verndið.
Höf. óþekktur

*Góðverk er næring þegar þú þegir yfir því.
-Óþekktur höf

*Kærleikurinn er markmið allra markmiða. Fyrirgefningin veitir okkur frelsi. Þakklæti gerir okkur kleift að lifa lífinu til fulls.
Óþekktur höf

*Hlustaðu á náttúruna. Lærðu að meta fegurð. Virtu hugboð þín varðandi liti, mynstur og form. Skapaðu umhverfi sem laðar að hamingju og gæfu.
-Victoria Moran (úr bókinni "Fegraðu líf þitt")
 

*Fyrirgefningin er undirstaða hamingjunnar.
-Dr.Doreen Virtue (úr bókinni "Heilun með álfum")
 

Þessi staður, þessi stund, þetta fólk, þessar kringumstæður. Allt er eins og það á að vera, núna!
Óþekktur höf
 

Guð notar kringumstæður þínar til að breyta þér, áður en hann breytir kringumstæðum þínum.
Óþekktur höf

Anda inn í núið. Anda frá, slökun. Njóta augnabliksins, þess sem er núna.
 

Við hættum ekki að leika okkur af því að við verðum gömul. Nei.
Við verðum gömul af því að við hættum að leika okkur!
 

Don´t cry because it´s over. Smile because it happened!
-óþekktur höfundur

*Þar sem gleði ríkir, þar eru englar!
-Heilbrigð skynsemi!

*Annað slagið skaltu horfa á eitthvað sem er ekki gert af manna höndum: fjall, stjörnu, bugðóttan læk. Þú munt öðlast visku og þolinmæði en öllu framar fullvissu um að þú ert ekki einn í þessum heimi.
-Sidney Lovett (úr bókinni "Lögmál andans" eftir Dan Millman)

,,Betra að hugsa um blessað sálartetrið en að rífa af börnunum snuðið"
Gísli Vilhjálmsson tannréttingarsérfræðingur

 Fyrirgefning  breytir  ekki því liðna, en hún stækkar framtíðina. 

Kvartaðu ekki yfir eymd heimsins, farðu heldur og bættu úr henni.

Fernt er til gott í heimi hér: gamall viður í arineld, gamalt vín til að

dreypa á, gamlar bækur til að glugga í og gamlir vinir sem treysta má.

Af öllum þeim gæðum sem okkur veitir viturleg forsjá til ánægjuauka er

 vináttan dýrmætust.

Ástlaus erum við dauðleg, ódauðleg þegar við elskum. 

Nýkviknuð ást er ólgandi og villt, með aldrinum verður hún tær og stillt.

Ef þú átt 2 peninga skaltu kaupa brauð fyrir annan og blóm fyrir hinn, brauð til þess að lifa á og blómið til þess að lífið sé þess virði að því sé lifað.

Fólk notar peninga sem það á ekki til þess að kaupa hluti sem það hefur ekkert með að gera, til þess að ganga í augun á fólki sem því er ekkert um gefið..

Allir eiga tvennskonar vini: Þá sem eru við höndina þegar þú þarft á þeim að halda og þá

 sem eru við höndina þegar þeir þurfa á þér að halda.

Gifting er happdrætti þar sem maðurinn hættir frelsi sínu, og konan hamingju sinni...

Aðal munurinn á drengjum og fullorðnum mönnum er verðmunurinn á leikföngunum þeirra.

Maður móðgar konu horfi maður of mikið á þær og særir þær horfi maður ekki nóg á þær.

Á flugi sýnast sumir sem ernir, en reynast svo vera  kjúklingar er þeir lenda.

Karlmenn með skalla eru þeir sem þora ekki að standa upp í hárinu á konunni sinni, og verða því að vaxa upp úr eigin hári..

Það má þekkja mann betur á því sem hann segir um aðra, en því sem aðrir segja um hann.

Það er ósiðlegt að fórna orðstír náunga síns  til þess eins að vera skemmtilegur.

Það sem fólk segir um þig á bak er staða þín í þjóðfélaginu.

Það eru til konur sem eru næstum því eins miklar kjaftakerlingar og karlmenn

Karlmaður rægir óvini sína, kona rægir vinkonur sínar.

Sá sem ætlar að segja sannleikann, segir mikið í stuttu máli.

Þegar slúðursögur verða gamlar breytast þær í goðsögn.

Kjaftakerling segir aldrei ósatt  -  geti sannleikurinn valdið jafn miklu tjóni.

Munurinn á fréttum og sögusögnum felst í því hvort þú segir þær eða heyrir þær.

Orðrómur er fréttaþjónusta hinna minni máttar.

Rógberinn gerir útaf við heiðarlegt fólk með hvísli.

Sá sem flytur þér fréttir af öðrum, flytur öðrum fréttir af þér.

Talaðu um aðra og þú ert kjaftakind, talaðu um sjálfan þig og þú ert öllum til ama.

Munurinn á frétt og slúðursögn felst í því hvort þú hækkar eða lækkar röddina.

Enginn þykist hafa áhuga á slúðursögum – en samt virðast allir njóta þeirra.

Sár eftir hnífstungu getur gróið en sár vegna söguburðar ekki.

Almenningur trúir hverju sem er – nema sannleikanum.

Syndin á sér mörg verkfæri, en lygin er handfangið á þeim öllum.

Tortryggnin heldur að sannleikurinn sé lygi, trúgirnin heldur að lygin sé sannleikur.

Ár renna í eina átt, söguburður í margar áttir.

Enginn fer með kjaftasögur um um leyndar dyggðir annarra.

Söguburður snertir ekki hina dauðu, en getur valdið dauða þeirra sem lifa.

Talaðu ekki um sjálfan þig í samkvæmi, það verður gert þegar þú ert farinn.

Fólk trúir hverju sem vera skal, sé því bara hvíslað.

Við teljum okkur trú um að lífið verði betra eftir að við; göngum í hjónaband, eignumst barn og síðan eignumst annað barn. Síðan verðum við ómöguleg yfir að börnin eru enn svo ung og teljum að við verðum miklu ánægðari er þau eldast. Þegar það gerist verðum við pirruð á unglingnum okkar og teljum okkur verða ánægðari þegar þeir vaxa upp úr því aldurskeiði. Við teljum okkur trú um að við munum öðlast meiri lífsfyllingu loksins þegar; maki okkar tekur sig taki, þegar við fáum betri bíl, þegar við komumst í almennilegt frí eða þegar við setjumst í helgan stein.
 

Lífið er alltaf fullt af vandamálum. Það er best að horfast í augu við það og ákveða að vera hamingjusamur þrátt fyrir það. Alfred D. Souza sagði eitt sinn: "Lengi vel fannst mér alltaf sem lífið væri rétt að byrja - þetta eina sanna, en það var alltaf eitthvað sem stóð í vegi fyrir því, eitthvað sem þurfti að yfirstíga fyrst, einhver ókláruð mál, tími sem þurfti að eyða í eitthvað, ógreiddar skuldir og síðan mundi lífið byrja. Dag einn rann upp fyrir mér að allar þessar hindranir voru lífið sjálft."
 

Hættu að bíða þar til þú hefur lokið námi eða þar til þú hefur hafið nám, þar til þú hefur misst 5 kíló eða bætt á þig 5 kílóum, þar til þú hefur eignast börn eða þar til þau flytjast að heiman, þar til þú byrjar að vinna eða þar til þú sest í helgan stein, þar til þú giftist eða þar til þú skilur, þar til á föstudagskvöld, þar til á sunnudagsmorgun, þar til þú færð þér nýjan bíl, þar til þú hefur borgað upp bílinn, þar til í vor, þar til í sumar, þar til í haust eða þar til í vetur.
 

Spaugileg gullkorn:

Drengur var að slá á ímyndað tígrisdýr með hamri þegar ein stúlkan segir. "æ,æ, hann er að byggja tígrisdýrið.

Kennari var að segja frá helgileik sem fara ætti fram í kirkjunni og börnin voru boðin að koma og sjá. Hún spyr börnin hvort þau viti hvað helgileikur sé? Þá segir ein stúlkan. "já það er eins og Helgi pabbi hans Haraldar".

Drengur kom í leikskólann í fyrsta skipti eftir að hafa eignast lítinn bróðir. Kennarinn spyr hann hvort litli bróðir drekki ekki bara mjólk ? Drengurinn svarar "Nei hann borðar bara hakk og spaghettí".

Kennari biður einn drenginn á deildinni að gera sér greiða, og fara upp í eldhús og sækja þrjár teskeiðar. Þegar drengurinn kemur upp í eldhús segir hann við matráðskonuna að hann þurfi að gera kennaranum sínum greiða. Matráðskonan spyr hvað það sé. Drengurinn hugsar sig um lengi og segir síðan "hana vantar hárbursta".

Kennari var að mæta til vinnu og var með teygjur í hárinu þegar ein stúlkan snýr sér að henni og segir upprifin "o.o.o...var mamma þín að greiða hárið þitt svona fínt".

Drengur og stúlka voru að leika sér saman í dúkkukrók. Stúlkan lá í rúminu og segir við drenginn "ég kalla á þig þegar ég er dáin". Síðan leið smá stund og þá kallar stúlkan "ég er dáin". Þá heyrist "ókey" frá drengnum.

Bræður mættu í leikskólann eftir skírn litla bróður þeirra. Kennari var að spjalla við þá um skírnina og veisluna. Eldri bróðirinn segir "mamma bakaði eina köku fyrir börnin og eina fyrir fullorðna. Þá heyrist í þeim litla "fullorðnir er svo leiðinlegt".

Í framhaldi af umræðunum segir kennarinn við yngri drenginn "jæja er búið að skíra litla bróðir þinn". Sá stutti segir "já presturinn var að sulla vatni á hausinn á honum".

Drengur er að kalla á kennarann sinn og hún heyrir ekki til hans. Þá segir annar drengur við kennarann " hann Einar er að spurja við þig".

Stúlka var að syngja jólalag "í skóginum stóð kofi einn, sat við gluggann augasteinn".

Stúlka "mamma mín vekti mig þegar ég vaknaði".

Kennari var að segja börnunum frá því að hún væri með barn í maganum. Þá heyrist í einum drengnum "ég er með krókódíl í maganum".

Nokkru seinna segir kennarinn við einn drenginn "þú mátt ekki hafa svona hátt, barninu verður illt í eyrunum. Þá segir drengurinn "er það ennþá í maganum".

Og hér eru nokkur af Kiðagils síðunni:

Sú var heppin
Drengur (6 ára) á Engjarós segir við kennara á Smára. „Ertu ólétt'“
Kennarinn: „já“
Drengur: „Áttu mann“
Kennarinn: „já“
Drengur: „Vá þú heppin. Ef þú værir núna í gamla daga og værir ólétt en ættir engan mann - þá væri þér drekkt í drekkingarhyl!“

Orðarugl:
Stúlka 5 ára er að fara í brú og jafnaldri hennar spyr hana „Hvernig geturðu þetta?“
Önnur 5 ára svarar: „Það er af því að hún er í fimleikum.
„Nei“ segir þá sú liðuga „ Það er út af því að ég er svo ólétt“

„Ég er með yfirgang“ sagði ein stúlka um erfiðleika við hægðir.

Með kalt blóð
Drengur 2ja ára lá á gólfinu að leika sér þegar hann upp úr eins manns hljóði sagði „Ég heiti X og ég er trúðfiskur“

Dugleg stelpa:
Ein 2ja ára situr og er að púsla þegar kennarinn spyr hana hvar hún hafi fengið þennan hálskraga sem hún er með. Sú stutta svarar af bragði „Æi ég prjónaði hann bara“

Sérfræðiþekking:
5 ára telpa: „Veistu að þegar ég var veik þá var ég fyrst með taugar.....“
Kennari: „Taugar?“
Telpan: „Já, ég var fyrst með taugar......“
Jafnaldra hennar grípur þá fram í „Fékkstu svo kannski áfall“

Stjórnmál:
Drengur er að kubba úr segulkubbum. Hann býr til hring og spyr kennarann hvort hann viti hvað þetta sé. Kennarinn neitar því og þá segir drengurinn „Þetta eru svona ríkisstjórnargleraugu“

Tillitssemi:
Umræður hafa skapast við matarborðið um að orð geti meitt engu síður en hnefar og 4ra ára börnin hlusta með athygli á kennarann sem upplýsir þau um þessa staðreynd. Nokkrum dögum síðar kemur einn drengurinn til kennarans og segir:
„Kennari, er ekki ljótt að segja feitabolla?“
„Jú“ svarar kennarinn „fólk tekur nærri sér þegar svoleiðis er sagt við það“
„Ég vissi það“ segir þá drengurinn sigrihrósandi og bætir svo við blíðlega  „Þú ert bara feit“

Vaðlaheiðargangnaverktaki?
Drengur 4ra ára gamall kemur til kennara og segir:
„Ég ætla að bjóða þér til Kína!“
„Nú!“ svaraði kennarinn „Ert þú að fara til Kína?“
„Nei“ svaraði drengurinn „Ég er að grafa göng úr garðinum mínum!!“
 

Það vantaði eitthvað í toppstykkið
4ra ára drengur var á leið út en virtist hafa gleymt að klæða sig í útifötin.
Kennarinn vildi hjálpa til og sagði við hann: „Það vantar eitthvað á höfuðið á þér...“
Drengurinn svaraði að bragði: „Já, heilann! Ég gleymdi að setja hann á míg í morgun!!!“
 

Merking orðanna getur verið misvísandi:
Einn 5 ára segir við kennarann:  "Ég er með varalit"
Hún svarar:  "Já, ertu með varalit?"
"Nei", leiðréttir drengurinn, "ég er ekki með varlalit heldur vara-lit!"
(og átti þá við trélit sem hann var búinn að stinga bak við eyrað - svona til vara!)
 
 

 
Það var verið að tala um smáfuglana sem sáust fyrir utan gluggann.
Kennarinn spyr:  "Vitið þið hvað þeir heita?"
5 ára drengur svarar:  "Já! Já! Snjótittlingar!"
En 5 ára stelpa er fljót að bæta við:  "Já, og á sumrin heita þeir sumtittlingar!"
 

 
Maður á alltaf að segja það sem manni finnst - er það ekki?
Einhver grét hástöfum í fataherberginu og kennari sem var með báðar hendur fullar bað eina 4 ára um að hugga skólafélaga sinn.  Hún svarar snögg upp á lagið:  "Nei, mér finnst ekkert gaman að hugga".
 

 
4 ára stelpa segir stolt við hópinn sinn:  "Ég elska sko pabba minn af því hann er alltaf svo snöggur í sokkana á morgnana!"
 

 
Rökfræði barna er oft skemmtileg:
Börnin voru að skoða spenana á kúnum (á mynd) í samverustund.
Einn 5 ára segir:  "Mamma mín mjólkar oft svona til að geta prjónað græna vettlinga".
Annar 5 ára svarar hneykslaður:  "Nei-hei!  Það er ekki hægt!"
"Jú", staðhæfir sá fyrri, "ef það er hægt að fá ost út úr þessu er líka hægt að fá græna vettlinga".
 

 
Ekki mjög jafnréttissinnuð ennþá:
Ein 2 ára á Gleym-mér-ei kemur auga á borvél og segir:  "Þetta er svona karlavél..."
 

 
Í fataherberginu voru börnin á leið út og flestir önnum kafnir við að kæða sig - nema einn 5 ára drengur sem var eitthvað að slugsa.  Kennarinn vill hvetja hann áfram og segir:  "Drífðu þig nú í fötin, Lárus minn, svo þú missir ekki af fjörinu úti".  Drengurinn svarar grafalvarlegur:  "Það verður ekkert fjör hjá mér, ég er að fara í svo ljótan leik!"


Mannaþefur í helli mínum…
Ein stelpan á Smára var að koma í skólann og varð að orði:
“Ummm… Ég finn lykt af Regínu!” (sem er skólafélagi hennar)



Hópur barna var í vettvangsferð með kennaranum sínum og þótti ástæða til að hafa styrka hönd til að leiða eina stelpuna svo hún færi sér ekki að voða.  Hún var ekki alveg sátt við það og verður að orði:  "Ekki toga svona í hendina mína, hún slitnar af!"



Mörgu segja börnin frá:
Kennarinn var að skoða stafinn F með hópnum sínum og börnin spreyttu sig á að finna orð sem byrja á F.
Kennarinn benti á orðið "flækja" og þá sagði ein stelpan:
"Veistu, hann pabbi minn flækti sig í brókinni í morgun og datt!"



Góður punktur!
Fimm ára drengur var þungt hugsi og spurði svo kennarann:
"Af hverju heitir hann Palli alltaf Páll Magnús þegar hann er óþekkur??"


 
Nokkur mismæli:
"Hei!  Þarna eru margir unglingar.  Þeir eru margir - einn er bara litlvaxinn" (eða semsagt smávaxinn!)
 

"Þú verður að gera hommíurnar, þetta eru sko hommíur" (Ein 5 ára að lita fjársjóðskort þar sem meðal annars mátti sjá hafmeyjur)
 

"Hvenær förum við í Laugardagsgötuna?" (og átti við Laugargötuna, í íþróttahúsið)
 

Í hádeginu var grænmetissúpa á borðum og verið var að ræða um innihaldið, eins og blómkál, aspas, krydd, mjólk og fleira.  Þau skiptust á skoðunum um hvað þeim þætti gott og svo segir einn strákanna:
"... og mér finnst líka góður rasspars!"
 

Ein 3 ára var í fataherberginu að klæða sig í strigaskóna en gekk erfiðlega svo hún leit upp og bað um strigahorn!
(eða semsagt skóhorn)



Í hvíldartíma á Gleym-mér-ei átti ein stelpan eitthvað erfitt með að leggjast undir teppið sitt eins og hinir krakkarnir.  Kennarinn snýr sér að henni, ætlar að leggja hana niður og segir um leið:  "Jæja, kerlingin mín..."
Þá gall í þeirri litlu: "Ég er stelpa!"



Listamaður að störfum:
Nokkur börn á Smára voru að teikna og kennarinn spyr einn 4 ára dreng hvað hann sé að teikna.
Hann svarar að bragði:  "Ég veit það ekki, ég hef aldrei séð þetta áður!"

 

Stelpa eða strákur?
Á Smára eru salernin merkt kynjunum og eitt sinn sat einn af elstu strákunum á klósettinu "stelpumegin".  Þá dettur upp úr honum:  "Ég held ég sé kannski að breytast í stelpu af því að hárið á mér er svo sítt".
 
 

 
Borgar sig að vera prúður...
Öll börnin og starfsfólkið fengu barmmerki á 10 ára afmæli skólans og þeim var nælt í peysurnar þeirra eftir söngsalinn um morguninn.  Einn kennarinn varð einhverra hluta vegna af merkinu og vantaði það í barminn.  Annar spurði hvers vegna stæði á því og þá var einn 4 ára drengur með svar á reiðum höndum:
"Af því hún var ekki nógu stillt og þæg eins og við vorum!"



Heyrðist í fataherberginu:
"Mér líður eins og smjöri í þessum fötum - ég er alveg að bráðna.



Kennari á Engjarós var að ræða við börnin um ömmur og afa og segir þeim jafnframt að hún eigi ömmu sem er alveg að verða 90 ára.  Þá lítur einn drengjanna á hana og segir:  "Þá er hún alveg að verða dauð".


 
Nýyrði:
Við vorum að borða hádegisverð og börnin voru mishrifin af matnum.  Einn 5 ára gerði gott úr öllu saman og sagði:
"Ég mundi ekki segja ojbarasta, af því mér finnst þetta gott.  Ég mundi bara segja gottamaska!"
 
 

Fimm ára stúlka var að segja frá við matarborðið:
"Í gamla daga voru ekki til nein hús á Íslandi og engir bílar og engar götur... bara risaeðlur og labradorar... eða karnatorar... æ, ég man það ekki alveg!"



5 ára spekingur:  "Alltaf þegar einhver er góður við mig þá hlýði ég honum eins og hundur".



Lausir líkamspartar
Ein 4 ára var að klæða sig úr peysunni en átti í smá erfiðleikum því hálsmálið var svo þröngt. 
Hún snýr sér að kennaranum og segir:  "Æi, viltu hjálpa mér að taka hausinn af?"
 

 
Smá misskilningur..
Börnin voru að mála íslenska fánann og kennarinn var að útskýra merkingu litanna.
"Blár er fyrir sjóinn, hvítur er ís og rauður er eldur"
Þá gellur í einum drengnum:  "Ha!  Rauðar endur???!"



Í einni strætóferðinni leit 5 ára drengur á einn farþegann og spurði:  "Hæ maður!  Varst þú til í gamla daga?"
 

 
Úti á leikvellinum:
Fimm ára drengur var að fylgjast með tveimur stelpum að hlaupa og segir:
"Ég get sko hlaupið hraðar en þær!"
"Já, er það?" spyr einn kennarinn.
"Jahá!  Ég get sko hlaupið á kílómetra hraða!"



Afi minn og amma mín...
Við matarborðið á Engjarós var verið að ræða um afa og ömmur.  Einn 5 ára lítur á kennarann sinn og segir: "Langa-langa-langa amma mín og afi eru loksins dauð".



Í leikskóla er gaman...
Einn kennarinn var að festa fjörugull í net þegar að kemur ein 3 ára af deildinni hennar.  Stelpan spyr hvað kennarinn sé að gera og viðkomandi svarar því til að hún sé nú bara að leika sér með þetta fjörudót, hún hafi svo gaman af að leika sér og þess vegna hafi hún ákveðið að verða leikskólakennari.
Sú stutta hugleiðir þetta aðeins, stígur svo af hjólinu og spyr hvort kennarinn vilji ekki fá þríhjólið lánað!
 

 
Mörg eru starfsheitin:
4 ára stelpa tilkynnti hróðug: "Pabbi minn er sjóræningi!"  (en hann er reyndar sjómaður)


 
Læknavísindin:
4 ára stúlka snýr sér að kennaranum sínum og segir:  "Veistu að hann afi minn er í Reykjavík í viðgerð?"
"Nú... hvernig viðgerð?" spyr kennarinn.
"Æi... það er verið að gera við hjartað í honum" svarar sú stutta.


 
Afmælissöngur:
Börnin voru að syngja afmælissönginn og einhver söng á ensku "Happy Birthday to you".  Annar tók undir en misskildi eitthvað textann og söng:  "Bubbi Morthens to you..."
 

 
Í fataherberginu:
Tveir 4 ára voru að klæða sig í og annar þeirra klæddi sig í gúmmískó.  Hinum varð litið niður á þá og segir áhyggjufullur:  "Ó, ó, ó, það er búið að brjóta stígvélin!"
 

 
Á Rugludeginum í maí:
Þegar börnin sátu og borðuðu hádegismatinn byrjaði að snjóa og einn kennarinn sagði: "Hva...?  Af hverju ætli snjói núna, er ekki komið sumar??"  Allir þögðu smá stund, en svo svarar einn 3 ára:  "Jú... það er rugludagur!"
- sem var auðvitað rétt.



Í danskennslu:
Kennarinn segir:  "Og svo á að vera duglegur að dansa og hreyfa sig..."
3 ára drengur segir þá:  "Já, það á ekki að vera svona snýtukarl!"  (og meinti spýtukarl )
 


Tveir drengir voru að tala saman eftir að foreldrar þess eldri voru nýkomnir frá útlöndum og var hann að lýsa því hvað þau höfðu komið með handa honum.  Segir síðan:  "Þú verður bara að koma heim til mín og sjá það"
Sá yngri svarar:  "En ég veit ekki hvar þú átt heima?"
"En elsku vinur, ég á heima í Skessugili!" segir þá hinn.



Krakkarnir voru að spyrja Hafdísi um systkini hennar og hvað þau heita.
Hún segir þeim það og jafnframt að einn bróðir hennar heiti Dylan Israel.
Þá segir einn 5 ára:  "Já, finnst honum ís svona góður??"



Dinglumdangl...
Einn drengur var kominn í útigallann og sagði svo við einn kennarann:
"Heyrðu, typpið mitt hreyfist!"
"Já, er það?" svarar hún.
"Já" segir hann þá og dillar sér aðeins.  "Svona eins og bjalla!"



Sérstök hjálpartæki:
Nokkrir strákar á Smára ætluðu að klippa út myndir.  Einn 5 ára tekur vinstrihandarskæri og ætlar að fara að klippa. 
Þá segir einn félagi hans:  "Þú getur ekki notað þessi skæri!"
"Nú?" svarar sá með skærin.
"Af því þau eru fyrir fatlaða!" var svarað að bragði.



Góður matur í Kiðagili:
4 ára drengur var að skammta sér í annað sinn á diskinn, fékk sér stóran skammt og sagði alvarlegur í bragði:  "Þetta er alveg yndislegur matur".
Annar 4 ára við borðið tók í sama streng og sagði:  "Jáhá, þetta er alveg ofsa, rosa gott!"



Hópur barna var búinn að vera í löngum göngutúr og voru á leið til baka.
Ein 5 ára segir:  "Hausinn á mér er svo þreyttur..."
"Nú, er það?"
"Já, ég held að hann sé bara alveg að detta af!"



Veit mannanafnanefnd af þessu?
Krakkarnir á Gleym-mér-ei voru að tala um hvað amma þeirra og afi heita.
Einn strákurinn sagði:  "Afi minn er kallaður Halli"
Annar 4 ára segir:  "Afi minn er nú bara kallaður rugludallur!"



Á vetrarleikunum:
5 ára þátttakandi úr barnahópnum spyr stjórnandann:
"Má ég hætta?"
"Nei", var svarað.  "Þú ert að fara að keppa!"
Þá snýr hann sér undan og segir grafalvarlegur:
"Þetta er hundleiðinlegt líf..."



Hvernig klæðir starfsfólkið sig eiginlega?
Þetta heyrðum við frá einni móður 4 ára drengs:
Hann var að handfjatla nærbrók, setti hana á höfuðið á sér og sagði:  "Mamma, ég er Hafdís!"
(en hún einmitt starfsmaður á deildinni hans)



Snemma byrjar það...
Tveir fimm ára drengir voru að tala saman um stelpur.
Annar segir:
"Hún er sætasta stelpan í heimi".
Þá segir hinn með áherslu:
"Nei, hún er sætasta stelpan forever!"



Á snyrtistofunni:
Tvær stelpur voru í hárgreiðsluleik og einbeittu sér að því að snyrta og greiða einum kennararanum.  Þær bleyttu á henni hárið og settu spennur hér og þar.  Þegar allt leit orðið vel út sagði sú eldri:  "Nú ert þú orðin fín og getur farið á bjórball!"



Morgunverður:
Einn daginn var verið að prófa nýja tegund af jógúrt í morgunverðinum og ekki öll börnin hrifin af bragðinu.  Einn 4 ára vildi vera kurteis og sagði:
"Ég tími bara ekki að borða þetta!"
 

 
Eitthvað ofan á brauð...?
Ein 5 ára að klæða sig í stígvélin:
"Ég þarf kannski ullarsokka svo mér verði ekki kalt en ég er samt með svona álegg í stígvélunum...!" (sem reyndist vera nýju innleggin hennar)
 

 
Í skólahópnum:
Við erum að tala um stafinn Æ og höfum fundið mörg orð sem byrja á stafnum Æ. 
Einum drengnum finnst farið hratt yfir og Gulla spyr hann:  "Er þetta of mikið að meðtaka í einu?"
Þá lítur hann á hana og segir snaggaralega:  "Hvernig væri að sýna smá miskunn!!?"
 

 
Einn af stóru strákunum lá í hnipri á gólfinu.
Kennarinn spyr:  "Ertu að gráta?"
Þá kemur einn 4 ára og segir:  "Kannski er hann að hvísla til Guðs...?"
 

 
"Góður er grauturinn gæskan"
Það er mjólkurgrautur í matinn og allir borða með bestu lyst.  Þá segir einn 5 ára við félaga sinn:
"Veistu hvað?  Þegar ég er orðinn stór og búinn að eignast börn ætla ég alltaf að elda handa þeim mjólkurgraut!"


Smá misheyrn:
Tarsan-hópurinn er að borða hádegismat þegar einn kennari gengur inn í Listagil og segir um leið: 
"Verði ykkur að góðu"
Þá bergmálar í einum drengnum:  "....verður að vera góður...."



Meira um misheyrn...
"Hvað er á hendinni á þér Halla?"
"Þetta er exem" svarar Halla.
"Þá gellur í einni 3 ára:  "Hún er aksjonman!"



Ein 3 ára kemur fram eftir hvíldina og segir við Siggu:
"Ég meiddi mig í rassinn..."
"Æ, meiddirðu þig!" segir Sigga með mikilli samúð.
"Já, í hinn rassinn!" svarar stelpan (og átti þá við aðra rasskinnina).


 
Já, allt kenna þeir nú í þessum Háskóla:
"Pabbi minn er í vinnu og mamma er í skóla".
"Veistu hvað hún er að læra?" spyr kennarinn.
"Já, hún er að læra að vera Batman!"



Umræður við matarborðið á Gleym-mér-ei:
"Ég á mömmu!" byrjar einn.
"Ég á líka mömmu!" svarar annar.
"Ég á líka mömmu" bætir Andreas, kennarinn, við.
Þá snýr einn 3 ára sér að Andreasi og segir:
"Nei, þú átt ekki mömmu.... Þú átt Hugrúnu!" (en hún er annar kennari á deildinni).



Ein 5 ára úti á leikvellinum:
"Þegar ég fæddist var ég með mikið og svart glimmerhár!"



Samræður við matarborðið á Engjarós:
"Ég ætla að éta allan matinn minn!"
Kennarinn vill aðeins laga orðavalið og segir:  "Dýrin éta en mennirnir borða".
Þá gellur í einum 5 ára:  "Nei, menn éta og konur borða!"
 


Ein stelpan var að fara heim um hádegisbilið og snýr sér við í dyrunum og segir:  "Bless krakkar!"
Þegar hún lokar dyrunum heyrist í einum 5 ára:  "Vá...!  Hún hafði geggjað sæta rödd núna!"


 
4 ára strákur á Smára var á leið út á leikvöll, en hafði verið annars hugar og gleymt að fara flest útifötin sín. 
Gulla stoppaði hann í dyrunum og vildi aðeins hjálpa til.  Sem smá vísbendingu sagði hún: 
"Það vantar eitthvað á höfuðið á þér..."  (og átti við húfuna).
Þá svarar hann strax:  "Já, heilann!  Ég gleymdi að setja hann í mig í morgun".
 
 

Tveir 4 ára drengir voru að leika sér á stórum steinum þegar annar sagði við Hófý:
"Hann er Mikki refur og ég er Klirfi lifurmús!"


 
Sá sami og hér fyrir ofan sagði eitt sinn við Siggu:
"Ég ætla að bjóða þér og Sunnu til Kína".
"Nú...!" svaraði Sigga.  "Ert þú á leiðinni til Kína?"
Hann svarar:  "Nei... ég er að grafa göng úr garðinum mínum!"
 

 
Margt að sjá á Mallorca
Gulla var að spjalla við 4 ára dreng úti á leikvellinum, um dýr í útlöndum og þess háttar.
Þá sagði hann kotroskinn:  "Þegar ég var á Mæjorka sá ég krókódíla... og líka háhesta!!"
(sem reyndust vera gíraffar )



Nýtt í jarðfræðinni
Einn 4 ára var úti á leikvelli og sýndi Gullu stoltur nokkra ljósbrúna steina sem hann hafði í lófanum.
"Fannstu svona fallega brúna steina?" spurði Gulla.
"Nei, þetta eru hunangs-steinar!!" svaraði hann að bragði.



Klædd í blæju...
Ein 5 ára var að þvo sér um munninn inni við vaskinn.
Hún lagði klútinn yfir nef og munn og var furðu lostin á svipinn:
"Heyrðu!! Ég er bara alveg eins og útlensk prinsessa!!"



Stórar gulrætur..?   
Ein 5 ára:  "Þegar gulrótin var tekin upp úr garðinum hjá mér þá þurfti bara að toga hana upp með kaðli!"



Komin í ástandið...?
Stúlka, 5 ára, segir hróðug við Gullu:
"Nú er ég sko búin að fá ástand!"
Við nánari eftirgrennslan kom í ljós að um var að ræða lítinn pall til að stíga upp á þegar hún þarf að ná í vaskinn á baðherberginu :o)


 

Heyrðist í einhverri stofunni:
"Það á ekki að vera svona óþekkur!" var sagt með hvassri röddu.
"En ég ætla að hætta því á morgun...!!" var svarað að bragði.
 

 
Einn kennarinn segir í matartímanum:
"Það vantar bara pínu sítrónu á fiskinn...".
Þá svarar 4 ára strákur: "Það vantar bara appelsínu á fiskinn".



Tveir 4 ára drengir að tala saman:
"Heyrðu...?"
"Já?"
"Hvað gerir pabbi þinn?"
"Hann er prakkari!"


 

Einn drengur sagði við kennarann: 
"Ég ætla að vera leikskólakennari þegar ég verð stór“
"Af hverju?" spyr kennarinn
"Af því að þá fæ ég að ráða því sem að ég geri!"
"Nú, færð þú aldrei að ráða neinu?" vill kennarinn vita.
"Nei, og mamma mín leyfir mér það aldrei heldur!"



Stúlka var að klæða sig í útiföt og var kominn í þykka peysu og útigallann.
Þá rennir hún allt í einu gallanum aftur niður, lagar peysuna og segir upp úr eins manns hljóði:
"Ég er eins og rúllupylsa!“



Við matarborðið var verið að ræða ýmislegt og barst Grýla  í tal.
Þá segir einn drengur:  "Veistu það að Grýla er ekki til"
"Jú, jú" segir þá kennarinn.
Annað barn snýr sér þá við og segir alvarlega:  "Nei!  Hún er búin að detta úr jólunum!!"
Enn annar bætir við:  "Veistu það, að það sagði mér maður, sem er stærri en þú, að Grýla er ekki til, hún gafst upp á rólunum".  Og hananú!



Þessi gerðist líka við matarborðið:
"Veistu að hún systir mín er veik.  Hún er með ælupest" segir ein stúlkan.
Þá snýr einn drengjanna sér að henni og segir:  "Það er nú ekkert, ég er miklu meira  með skartlarasótt og þarf að taka lyf!"



Tveir drengir voru að tala saman:
"Veistu að sumum er illt í pissublöðrunni og þurfa að nota bleiu?"
Þá svarar hinn:  "Já, ég veit það.  Mín pissublaðra er geðveikt biluð!"



Á degi íslenskrar tungu var starfsmaður að segja börnunum frá Jónasi Hallgrímssyni og talið barst að því hvernig margir töluðu í gamla daga.
Svo þegar því lauk segir kennarinn:  "Jæja og munið þið nú þetta!"
Þá snýr einn drengur sér við og segir:  "En ég get ekki muniðið þetta!?“


Úti á leikvellinum:
Þessi brandari er alltaf sígildur og var mjög fyndinn þegar 5 ára hnáta
stóð allt í einu upp og kom öllum á óvart með gamanmálum:
"Einu sinni var fjölskylda sem var að fara inn á baðherbergi af því þau voru að fara að sofa og þau þurftu að bursta tennurnar.  Fyrst fór pabbinn inn og þá kom draugur sem sagði:  Ég er draugur í grænum nærbuxum!  Pabbinn var svo hræddur að hann hljóp út um gluggann.  Svo fór mamman inn og draugurinn kom og sagði:  Ég er draugur í grænum nærbuxum!  Hún var svo hrædd að hún hljóp út um gluggann.  Síðan fór stóri bróðirinn inn og draugurinn sagði:  Ég er draugur í grænum nærbuxum!  Bróðirinn var skíthræddur og hljóp líka út um gluggann.  Svo kom stóra systirin og draugurinn sagði:  Ég er draugur í grænum nærbuxum!  Stóra systirin var svo hrædd að hún hljóp líka út um gluggann.  Síðust kom litla systirin og draugurinn sagði:  Ég er draugur í grænum nærbuxum! 
Þá sagði litla stelpan:  Ég er í bleikum - viltu kannski skipta??!!"   Hahaha



Einn 4 ára:  "Ég vildi að ég væri með vængi því þá væri ég engill og gæti flogið heim til mömmu minnar..."

 

4 ára drengur situr á sandkassabrúninni og er að geifla munninn og tunguna með mikilli innlifun og furðulegum hljóðum.  Þegar kennarinn spyr hvað hann sé að reyna að segja svarar hann:  "Ég veit það ekki... þetta er nefnilega búskmál!"

 

Þegar einn drengurinn mætti í leikskólann var hann með bómull í vasanum vegna þess að hann hafði fengið blóðnasir um nóttina.  Síðan er hann að leika sér og stingur hendinni í vasann til að finna bómullina en finnur hana ekki strax.  Þá lítur hann upp og segir „Hvar er nösin mín?“
 

 
Einn sat við matarborðið og sagði:
"Ef ég væri gæs þá myndi ég vera á túninu hjá honum afa mínum".
"Af hverju?" spyr einhver.
"Jú, vegna þess að þar eru gæsirnar sem að hann pabbi minn veiddi í fyrra".

 

Einn strákur, sem ekki gat setið kyrr í hádeginu og var að trufla aðra, var sagt að ef hann ekki gæti verið til friðs og hætt að trufla sessunaut sinn myndi hann verða færður í annað sæti á morgun.
Þá lítur drengurinn á leikskólakennarann og sagði: "Ég ætla líka að vera í fríi á morgun"



Nokkrir drengir voru að tala um risaeðlur þegar einn segir:  "Mín er með vígtennur".
Þá svaraði annar drengur:  "Risaeðlur eru ekki með vígtennur, enda veist þú það ekki því að við erum risaeðlusérfræðingar!" og bendir á vin sinn.
 

Eftir jólin voru börnin að tala um hverjir hafi gefið guði dýrin sín.  Einn hafði gefið honum hund, annar kött en þá snýr eitt barnið sér við og segir:
"Það er miklu skemmtilegra fyrir Jesús á jólunum en Guð..."
"Af hverju?"
"Jú, af því að þá á Jesú afmæli"