|
|
Nú er ég klæddur og kominn á ról,
Kristur Jesús veri mitt skjól,
í guðsóttanum gef þú mér
að ganga í dag svo líki þér.
Vertu, guð faðir, faðir minn,
í frelsarans Jesú nafni,
hönd þín leiði mig út og inn,
svo allri synd ég hafni.
(Hallgrímur Pétursson)
Verkin mín,Drottinn, þóknist þér,
þau láttu allvel takast mér,
ávaxtasöm sé iðjan mín,
yfir mér vaki blessun þín.
(Hallgrímur Pétursson)
Þú,
Guð sem stýrir stjarnaher
og stjórnar veröldinni,
í straumi lífsins stýr þú mér
með sterkri hendi þinni
(Valdimar Briem)
Kristur
sem birtist oss í þér
Þú hefur
föður hjartað góða
Himnanna
ríki opna mér
Ég tilbið
undur elsku þinnar
Upphaf og
takmark veru minnar.
Amen.
Guð komi til mín
og varðveiti mig frá öllu illu,
til lífs og sálar
þennan dag
og alla tíma,
í Jesú nafni,
Amen.
Legg ég
nú bæði líf og önd,
ljúfi Jesús, í þína hönd,
síðast þegar ég sofna fer
sitji Guðs englar yfir mér
(Hallgrímur Pétursson)
Ljúfi
Jesús, láttu mig
lífs míns alla daga
lifa þér og lofa þig
ljúft í kærleiks aga.
(Þorkell G Sigurbjörnsson)
Vertu,
góði Guð, hjá mér,
gleði sönn er veitt af þér.
Gjörðu bjart mitt bernskuvor,
blessa, faðir, öll mín spor.
Alltaf veist þú um minn veg,
allt þú veist, sem tala ég,
öll mín verk sér auga þitt,
einnig hjartalagið mitt.
(Einar Jónsson)
Þar sem
Gullblómið grær
ekkert illt þar að finna
þó að flestum finnist fjær
þá vil ég á það minna
Kærleikans móðurmál
er Guð í þinni sál.
Guðdómsins viskuskál
er hjartans innsta bál.
Garðar Jónsson.
Leiddu
mína litlu hendi,
ljúfi faðir þér ég sendi.
Bæn frá mínu brjósti sjáðu,
blíði Jesú að mér gáðu.
Hafðu gát á hjarta mínu,
halt mér fast í spori þínu,
að ég fari aldrei frá þér,
alltaf Jesús, vertu hjá mér.
Um þig
alltaf sál mín syngi
sérhvern dag, þó eitthvað þyngi.
Gef ég verði góða barnið,
geisli þinn á kalda hjarnið.
(Ásmundur Eiríksson)
Nú legg ég
augun aftur,
ó, Guð,þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil svo ég sofi rótt.
(Sveinbjörn Egilsson)
Vaktu, minn jesús, vaktu í mér,
vaka láttu mig eins í þér,
sálin vaki þá sofnar líf,
sé hún ætíð í þinni hlíf.
(Hallgrímur Pétursson)
Ég fel í forsjá
þína,
Guð faðir, sálu mína
því nú er komin nótt.
Um ljósið lát mig dreyma
og ljúfa engla geyma
öll börnin þín svo blundi rótt.
(Matthias Jochumsson)
Láttu nú ljósið
þitt
lýsa upp rúmið mitt,
hafðu þar sess og sæti
signaður Jesús mæti.
Ég fel í sérhvert sinn
sál og líkama minn
í vald og vinskap þinn
vörn og skjól þar ég finn
(Hallgrímur Pétursson)
1.
Ég er Drottinn Guð þinn, þú skalt ekki aðra
guði hafa.
2. Þú skalt ekki leggja nafn Drottins Guðs
þíns við hégóma.
3. Minnstu þess að halda hvíldardaginn
heilagan.
4. Heiðra skaltu föður þinn og móður.
5. Þú skalt ekki morð fremja.
6. Þú skalt ekki drýgja hór.
7. Þú skalt ekki stela.
8. Þú skalt ekki bera ljúgvitni gegn náunga
þínum.
9. Þú skalt ekki girnast hús náunga þíns.
10. Þú skalt ekki girnast konu náunga þíns,
þjón, þernu né nokkuð það sem náungi þinn á.
Hið bjarta ljós sem berst til mín
með blessun sendi heim til þín
og með því kveðju kæra.
Megi það líkna og lækna þá
sem lífið kærleiksríka þrá.
Gleði og frið þeim færa
Guðm.
Ingi
1.
Upp. upp, mín sál og allt mitt geð,
upp mitt hjarta og rómur með.
Hugur og tunga hjálpi til.
Herrans pínu ég minnast vil.
2.
Sankti Páll skipar skyldu þá,
skulum vér allir jörðu á
kunngjöra þá kvöl og dapran deyð,
sem drottinn fyrir oss auma leið.
3.
Ljúfan Jesúm til lausnar mér
langaði víst að deyja hér.
Mig skyldi og lysta að minnast þess
mínum drottni til þakklætis.
4.
Innra mig loksins angrið sker,
æ, hvað er lítil rækt í mér.
Jesús er kvalinn í minn stað.
Of sjaldan hef ég minnst á það.
5.
Horfi ég nú í huga mér,
herra minn Jesú, eftir þér.
Dásamleg eru dæmin þín.
Dreg ég þau gjarnan heim til mín.
6.
Þú vildir ekki upphlaup hart
yrði, þegar þú gripinn vart.
Út í grasgarðinn gekkstu því.
Gafst þig í manna hendur frí.
7.
Af því læri ég að elska ei trekt
eigin gagn mitt, svo friður og spekt
þess vegna raskist. Þér er kært
þolinmæði og geð hógvært.
8.
Sorgandi gekkstu sagða leið.
Særði þitt hjarta kvöl og neyð.
Hlæjandi glæpa hljóp ég stig.
Hefur þú borgað fyrir mig.
9.
Vort líf er grasgarðs ganga rétt.
Gröfin er öllum takmark sett.
Syndugra leið ei leik þér að.
Lendir hún víst í kvalastað.
10.
Iðrunartárin ættu vor
öll hér að væta lífsins spor.
Gegnum dauðann með gleði og lyst
göngum vér þá í himnavist.
11.
Þá Jesús nú á veginum var,
við postulana hann ræddi þar,
henda mundi þá hrösun fljót.
Harðlega Pétur þrætti á mót.
12.
Frelsarinn Jesús fyrir sér,
þá fall og hrösun er búin mér.
Hann veit og líka lækning þá,
sem leysa kann mig sorgum frá.
13.
Aldrei, kvað Pétur, ætla ég
á þér hneykslast á nokkurn veg
þó allir frá þér falli nú.
Fullkomleg var hans lofun sú.
14.
Sú von er bæði völt og myrk
að voga freklega á holdsins styrk.
Án guðs náðar er allt vort traust
óstöðugt, veikt og hjálparlaust.
15.
Gef mér, Jesú, að gá að því,
glaskeri ber ég minn fésjóð í.
Viðvörun þína virði ég mest,
veikleika holdsins sér þú best.
Ó,
ljóssins faðir, lof sé þér,
að líf og heilsu gafstu mér
og föður minn og móður.
Nú sest ég upp, því sólin skín,
þú sendir ljós þitt inn til mín.
Ó, hvað þú, Guð, ert góður!
Matthías Jochumsson
Frelsarinn góði, ljós mitt og líf,
lífsins í stormum vertu mér hlíf,
láttu þitt auglit lýsa yfir mig,
láttu mig aldrei skiljast við þig.
Gjörðu mig fúsan, frelsari minn,
fúsari að ganga krossferil þinn,
fúsari að vinna verk fyrir þig.
Vinurinn eini, bænheyrðu mig.
Bjarni
Jónsson
Jesús
segir: “Allt vald er mér gefið á himni og jörðu.
Farið því og gjörið allar þjóðir að lærisveinum,
skírið þá til nafns föður, sonar og hins heilaga
anda, og kennið þeim að halda allt það, sem ég
hefi boðið yður. Og sjá, ég er með yður alla
daga, allt til enda veraldar.”
Kristur minn, ég kalla á þig,
komdu að rúmi mínu.
Gakktu hér inn og geymdu mig,
Guð í faðmi þínum.
Vaki
englar vöggu hjá,
varni skaðanum kalda,
breiði Jesús barnið á
blessun þúsundfalda.
Legg ég
nú bæði líf og önd,
ljúfi Jesús, í þína hönd,
síðast þegar ég sofna fer
sitji Guðs englar yfir mér
(Hallgrímur Pétursson)
Endar nú dagur, en nótt er nær,
náð þinni lof ég segi,
að þú hefur mér, Herra kær
hjálp veitt á þessum degi
Vertu nú
yfir og allt um kring
Með eilífri blessun þinni
Sitji Guðs englar saman í hring
Sænginni yfir minni.
(Sigurður Jónsson frá Prestshólum)
Æðruleysisbænin
Guð gefi
mér æðruleysi
til að sætta mig við það,
sem ég fæ ekki breytt...
kjark til að breyta því
sem ég get breytt...
og vit til að greina
þar á milli.
Ástarfaðir
himinhæða,
heyr þú barna þinna kvak,
enn í dag og alla daga
í þinn náðarfaðm mig tak.
Náð þín sólin er mér eina,
orð þín döggin himni frá,
er mig hressir, elur, nærir,
eins og foldarblómin smá.
Einn þú hefur allt í höndum,
öll þér kunn er þörfin mín,
ó, svo veit í alnægð þinni
einnig mér af ljósi þín.
Anda þinn lát æ mér stjórna,
auðsveipan gjör huga minn,
og á þinnar elsku vegum
inn mig leið í himin þinn.
Ég
trúi á Guð, föður almáttugan,
skapara himins og jarðar.
Ég trúi á Jesú Krist, hans einkason,
Drottin vorn,
sem getinn er af heilögum anda,
fæddur af Maríu mey,
píndur á dögum Pontíusar Pílatusar,
krossfestur, dáinn og grafinn,
steig niður til heljar,
reis á þriðja degi aftur upp frá dauðum,
steig upp til himna,
situr við hægri hönd Guðs, föður almáttugs,
og mun þaðan koma að dæma lifendur og dauða.
Ég trúi á heilagan anda,
heilaga almenna kirkju,
samfélag heilagra,
fyrirgefningu syndanna,
upprisu mannsins
og eilíft líf.
Amen.
Í
bljúgri bæn og þökk til þín,
sem þekkir mig og verkin mín.
Ég leita þín, Guð leiddu mig
og lýstu mér um ævistig.
Ég reika oft á rangri leið,
sú rétta virðist aldrei greið.
Ég geri margt, sem miður fer,
og man svo sjaldan eftir þér.
Sú ein er
bæn í brjósti mér,
ég betur kunni þjóna þér,
því veit mér feta veginn þinn,
að verðir þú æ Drottinn minn
Hvað
er að deyja.
Ég stend á strönd og horfi á skip
sigla í morgunblænum út á hafið.
Það er falleg smíði og ég stend
þar og horfi á það unz það hverfur
sjónum mínum út við
sjóndeildarhring.
Það er farið!”
Farið!Hvert? Farið úr minni
augsýn.
Það er allt og sumt.
Það er þó enn jafnstórt í
möstrum, bol og siglutrjám og þegar ég sá það
Og getur flutt jafnmikinn farm og
mannfjölda á ákvörðunarstað.
Minnkandi stærð og hvarf þess úr
minni augsýn er í huga mér en ekki í því.
Og einmitt þegar einhver nálægur
segir;
Það er farið!”
Þá eru aðrir, sem horfa á það
koma og aðrar raddir heyrast kalla;
Þarna kemur það!”
Og þannig er að deyja.”
Brent biskup
Ó, Jesús
bróðir besti
og barnavinur mesti,
æ, breið þú blessun þína
á barnæskuna mína.
Mér gott barn gef að vera
og góðan ávöxt bera,
en forðast allt hið illa,
svo ei mér nái' að spilla.
Það ætíð sé mín iðja
að elska þig og biðja,
þín lífsins orð að læra
og lofgjörð þér að færa.
Þín umsjón æ mér hlífi
í öllu mínu lífi,
þín líknarhönd mig leiði
og lífsins veginn greiði.
Mig styrk í stríði nauða,
æ, styrk þú mig í dauða.
Þitt lífsins ljósið bjarta
þá ljómi' í mínu hjarta.
Með
blíðum barnarómi
mitt bænakvak svo hljómi:
Þitt gott barn gef ég veri
og góðan ávöxt beri
Faðir vorið.:
Faðir vor, þú sem ert á himnum,
helgist þitt nafn, til komi þitt ríki,
verði þinn vilji, svo á jörðu sem á himni.
Gef oss í dag vort daglegt brauð.
Fyrirgef oss vorar skuldir,
svo sem vér og fyrirgefum
vorum skuldunautum.
Og eigi leið þú oss í freistni,
heldur frelsa oss frá illu.
[Því að þitt er ríkið, mátturinn og dýrðin
að eilífu.]
Amen.
Faðirvorið á grísku,
sennilega elsti skrái
textinn:
Pater hēmōn, ho en tois
ouranois
hagiasthētō to onoma
sou;
elthetō hē basileia sou;
genethetō to thelēma
sou,
hōs en ouranōi, kai epi
tēs gēs;
ton arton hēmōn ton
epiousion dos hēmin
sēmeron;
kai aphes hēmin ta
opheilēmata hēmōn,
hōs kai hēmeis aphiemen
tois opheiletais hēmōn;
kai mē eisenenkēis hēmas
eis peirasmon,
alla rhusai hēmas apo
tou ponērou.
[Hoti sou estin hē
basileia, kai hē
dúnamis, kai hē doxa eis
tous aiōnas;]
amēn.
|
Ég krýp og faðma fótskör þína
Frelsari minn á
bænastund
Ég legg sem
barnið bresti mína
Bróðir í þína
líknarmund
Ég hafna auðs og
hefðarvöldum
Hyl mig í þínum
kærleiks öldum.
Höf:Guðmundur Geirdal
Ég krýp og faðma fótskör þína
frelsari minn á bænastund.
Ég legg sem barnið bresti mína
bróðir, í þína líknarmund.
Ég hafna auðs og hefðarvöldum
hyl mig í þínum kærleiksöldum.
Höf.: Ókunnur
,
Drottinn, lát mig vera verkfæri
friðar þíns.
Hjálpa mér til að leiða inn
kærleika,
þar sem hatur ríkir,
trú, þar sem efinn ræður,
von, þar sem örvæntingin
drottnar
Hjálpa mér að fyrirgefa, þar sem
rangsleitni er höfð í frammi,
að skapa eindrægni þar sem
sundrung ríkir
að dreifa ljósi þar sem myrkur
grúfir
og flytja fögnuð þar sem sorgin
býr.
Meistari, hjálpa mér að
kappkosta ekki
svo mjög að vera huggaður sem að
hugga,
ekki svo mjög að vera skilinn
sem að skilja,
ekki svo mjög að vera elskaður
sem að elska.
Því að það er með því að gefa að
vér þiggjum
með því að fyrirgefa að oss
verður fyrirgefið
með því að týna lífi voru að vér
vinnum það.
Það er með því að deyja að vér
upprísum til eilífs lífs
AMEN
þýð. sr. Sigurjóns Guðjónssonar
|
|
Heilagi faðir!
Borðbæn.
Lífið og heilsan er
helgidómur, sem þú hefur
gefið okkur,
því er allt heilagt sem
viðheldur lífinu.
Gef okkur því visku til að
njóta matar og drykkjar
með fögnuði og þakklátum
huga og gæta jafnframt hófs.
Blessaðu líf okkar og starf
og gef okkur náð og þrótt
til að vera trúir þjónar á
akri þínum.
Send snauðum og sjúkum hjálp
og syrgjendum huggun.
Blessaðu og helgaðu lífið
sérhverja stund í Jesú
heilaga nafni.
A M E N
Guðmundur L. Friðfinnsson.
|
|
Brostu til barnsins
litla,
sem bugast við táraský.
Það brosir aftur með
opnum vörum
og augu þess ljóma á ný.
Brostu til sjúklingsins
særða
er sársaukinn hnyklar
brá,
hann brosir aftur og
eymslin dvína
og örvast hans bata þrá.
Brostu til syrgjandans
sollna,
er sýtir og harmar um
nótt,
hann brosir aftur og
sorgirnar sefast
og sálin fær nýjan
þrótt.
Brostu til magnþrota
mannsins,
sem mæðist á torsóttri
leið,
hann brosir aftur og
fjörgast á fæti
og finnst nú að brautin
sé greið.
Brostu til félagans
fallna
í foræði lasta og synd,
hann brosir aftur og
lítur lífið
í ljósari fegurri mynd.
Brostu til örvasa
öldungs,
sem allt virðist fokið á
glæ,
hann brosir aftur og
yngist í huga
og ellin fær ljúfari
blæ.
Brostu til deyjandans
dapra,
það dregur úr helstríði
manns,
hann brosir aftur og
brosið lifir
í brestandi augum hans.
Brostu, í hvívetna
brostu,
því brosið á sefjandi
afl,
en brostu þannig, að
breytist sífellt
til batnaðar mannlífsins
tafl.
Brostu til alls og allra
í árvakri mannúðargjörð,
og brosið mun birtast
þér aftur
í brosi - frá himni - og
jörð.
Magnús frá Skógi á
Rauðasandi
|
|
Í grenndinni veit ég um
vin sem ég á,
í víðáttu
stórborgarinnar.
En dagarnir æða mér
óðfluga frá
og árin án vitundar
minnar.
Og yfir til vinarins
aldrei ég fer,
enda í kappi við tímann.
Sjálfsagt þó veit hann
ég vinur hans er
því viðtöl við áttum í
símann.
En yngri vorum við
vinirnir þá,
af vinnunni þreyttir nú
erum.
Hégómans takmarki
hugðumst við ná
og hóflausan lífróður
rérum.
?Ég hringi á morgun?, ég
hugsaði þá,
?svo hug minn fái hann
skilið?,
en morgundagurinn endaði
á
að enn jókst á milli
okkar bilið.
Dapurleg skilaboð dag
einn ég fékk,
að dáinn sé vinurinn
kæri.
Ég óskaði þess er að
gröf hans ég gekk,
að í grenndinni ennþá
hann væri.
Sjálfur ef vin þú átt
góðan í grennd,
gleymdu ekki hvað sem á
dynur,
að albesta sending af
himnunum send,
er sannur og einlægur
vinur.
Höf.: ókunnur.
|
|
Drottinn, þú gefur og
drottinn þú tekur,
Drottinn, vér lofum þitt
heilaga nafn!
Drottinn, þú lífið og
dauðann eins vekur,
Drottinn í vísdómi og
kærleika jafn!
Drottinn, þú gleðina?
sorgina sendir;
sælu von hvor tveggja í
skauti sér ber.
Drottinn, þá
lífstíðardags kemur
endir,
dýrð lífs þú gefur um
eilífð með þér.
Höf.: Ókunnur
Blítt mér kenn
að biðja,
bænin veitir
fró.
Indæl bænaiðja
eykur frið og
ró.
Kenndu mér að
krjúpa
kross þinn, Jesú
við.
Láttu, Drottinn,
drjúpa
dýrð í hjarta og
frið.
Florentínus
Hellzon.
björgvin
Jörgensson þýddi
|
Fylg mér Guð um farinn
veg
svo forðist slysin öll;
geymi mig náð hans
guðdómleg
um grundir, byggð og
fjöll.
Hans englar beri á
höndum mig,
hvar sem um veginn fer,
varðveitandi frá
villustig
vara taki á mér;
vegbróðir sjálfur veri
minn
vegur, líf, ljós og
sannleikurinn.
En þegar héðan halda fer
og heim til föðurlands,
taki þá hýrt í hönd á
mér
heilsugjafarinn manns
og leiði inn í ljós með
sér
svo lendi? eg í
englakrans.
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
